Купалаўскі тэатр павінен ставіць больш «патрыятычных» спектакляў — Мінкульт
28 жніўня адбыўся сход калектыву Тэатра імя Янкі Купалы з нагоды пачатку новага тэатральнага сезона, паведаміла Міністэрства культуры. Цяперашняя мастацкая кіраўніца тэатра Вольга Няфёдава далажыла, якія тэатр мае пастановачныя і гастрольныя планы на новы тэатральны сезон, а прадстаўніца Мінкульта Ірына Дрыга акрэсліла, чаго ад праўладных купалаўцаў чакае дзяржава.
Як паведамляецца, у сваім выступленні начальніца Галоўнага ўпраўлення дзяржаўных спецыяльных культурных мерапрыемстваў і прафесійнага мастацтва Ірына Дрыга заявіла, што тэатру неабходна павышаць долю ўласных даходаў у агульным аб'ёме выдаткаў тэатра, пашыраць геаграфію замежных гастроляў і «падтрымліваць спрыяльны маральна-псіхалагічны клімат у калектыве».
Незадаволеныя ў Міністэрстве культуры і рэпертуарам тэатра. Дрыга звярнула ўвагу на неабходнасць «узбагачэння рэпертуару спектаклямі патрыятычнай тэматыкі».
Чытайце таксама:
Былая актрыса Купалаўскага тэатра вядзе ўрокі пілатэсу
У беларускага тэатра можа з’явіцца свой будынак у Варшаве. Дзе і як падпісаць петыцыю
Цяпер чытаюць
Лукашэнка загаварыў пра прарасійскасць Ціханоўскага, баючыся назваць яго імя26
Каментары
А дрыга- гэта у́жо дыягназ.