Інцыдэнт на мяжы Літвы з Беларуссю: невядомыя асобы з беларускага боку зрэзалі два слупы з відэакамерамі
22 жніўня на Кабеляйскім памежным участку, дзе няма фізічнага бар'ера, двое чалавек з Беларусі парушылі мяжу Літвы, зрэзаўшы два слупы з відэакамерамі. Гэтую інфармацыю Delfi пацвердзіў прэс-сакратар Службы аховы дзяржмяжы Гедрус Мішуціс. Пачата два расследаванні.
«Два чалавекі прыйшлі з беларускай тэрыторыі, зрэзалі два слупы з камерамі. Пашкоджаны кабель, але сёння ўжо праходзяць сустрэчы з падрадчыкам, ідуць работы па аднаўленні», — сказаў ён. Паводле слоў прадстаўніка Службы аховы дзяржаўнай мяжы, гэтыя камеры праглядалі невялікі ўчастак зоны, для кантролю над гэтым участкам цяпер выкарыстоўваюць іншыя сродкі.
«Нават пасля таго, як не стала гэтых слупоў, іншыя камеры «праглядаюць» гэты ўчастак», — запэўніў Мішуціс.
Паводле яго, пачата расследаванне ў сувязі з незаконным перасячэннем мяжы і псаваннем маёмасці. Мішуціс звярнуў увагу на тое, што выпадкі пашкоджання рознай тэхнікі на мяжы фіксуюцца часта — толькі летась зафіксавана 450 такіх выпадкаў. Часцей за ўсё разразаюць фізічны бар'ер — плот, калючы дрот, але ўжо былі спробы разбіць камеры. Хто менавіта гэта робіць — самі памежнікі суседняй краіны або іншыя асобы, — невядома. Апошнім часам плынь нелегалаў, якія спрабуюць перайсці мяжу з Літвой з боку Беларусі, стала значна меншай.
Цяпер чытаюць
Кватэры ў новабудоўлі ў цэнтры Гродна распрадалі за лічаныя хвіліны, але толькі зірніце, што там набудавалі2
Каментары