Найлепшы для жыцця ваяводскі цэнтр — Познань, найгоршы — Беласток — Businessinsider апублікаваў рэйтынг польскіх гарадоў. У ім улічваліся тры эканамічныя паказчыкі (узровень беспрацоўя, сярэдняя зарплата і даступнасць жылля), а таксама даступнасць бясплатнай медыцыны, узровень злачыннасці і якасць паветра, піша «Мост».
Паводле гэтых паказчыкаў найлепшым ваяводскім цэнтрам для жыцця прызнана Познань (28 балаў — чым ніжэйшая ацэнка, тым лепшая сітуацыя). На другім месцы — Катавіцы (39 балаў), на трэцім — Аполе (42 балы).
Самыя нізкія вынікі ў Беластока (74 балы), Кельцаў (64 балы) і Варшавы (60 балаў).
Самыя нізкія паказчыкі беспрацоўя, паводле рэйтынгу, у Познані, Катавіцах і Варшаве. А самыя высокія — у Беластоку, Кельцах і Любліне.
Па сярэдніх заробках лідзіруюць Кракаў, Гданьск і Варшава, а ў аўтсайдарах — Беласток, Кельцы і Гожаў Велькапольскі.
У Катавіцах, Гожаве Велькапольскім і Быдгашчы самае даступнае жыллё, самая складаная сітуацыя — у Варшаве, Беластоку і Гданьску.
Патрапіць на прыём доктара па NFZ (за кошт Нацыянальнага фонду здароўя) прасцей за ўсё ў Лодзі, Любліне і Кельцах, а складаней — у Шчэціне, Беластоку і Гожаве Велькапольскім.
Самы нізкі ўзровень злачыннасці ў Жэшаве, Ольштыне і Любліне, а самы высокі — у Катавіцах, Кракаве і Лодзі.
Самае чыстае паветра — у Аполе, Гожаве Велькапольскім і Познані, а найгоршыя паказчыкі — у Варшавы, Жэшава і Кракава.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары