Калі вам надакучылі пюрэ і кашы, трымайце рэцэпт неверагоднага гарніру з маладой бульбы. Смачна, проста і карысна.
Фота: Seasons and Suppers
Каб прыгатаваць бульбу са сметанковым соусам і гарошкам, спатрэбіцца:
- 12 маленькіх маладых бульбін
- 1 шклянка свежага зялёнага гарошку, можна выкарыстоўваць замарожаны
- 1 ст. л. падсоленага масла
- 2 ст. л. чырвонай цыбулі, дробна нарэзанай, можна выкарыстоўваць і жоўтую цыбулю, калі няма чырвонай
- 1 ст. л. мукі
- 1 шклянка малака
- 1 ч. л. солі
- дробка цукру
- свежамолаты перац
- Закіпяціце ваду ў дзвюх каструлях сярэдняга памеру. Дадайце гарошак у кіпячую ваду. Не саліце, але дадайце ў ваду дробку цукру. Варыце 3—5 хвілін. Зліце ваду і адкладзіце гарошак убок.
- Калі бульба не дробная, разрэжце яе на палавінкі. Гатуйце ў падсоленай кіпячай вадзе да гатоўнасці, каля 10 хвілін (спрабуйце нажом). Зліце ваду і адкладзіце ўбок.
- У вялікай патэльні на сярэднім агні разагрэйце масла. Дадайце цыбулю і гатуйце, памешваючы, пакуль цыбуля не змякне. Дадайце муку і гатуйце, увесь час памешваючы, каля хвіліны. Пачынайце павольна дадаваць малако, бесперапынна памешваючы, да атрымання аднастайнай масы. Дадайце вараны гарошак і бульбу, пасаліце і паперчыце. Злёгку паменшыце агонь і дайце падліўцы пакіпець на павольным агні, пакуль яна не загусцее да кансістэнцыі сметанковай падліўкі. Пакаштуйце і пры неабходнасці дадайце яшчэ солі і перцу (смак не павінен быць прэсным).
- Перакладзіце на сервіравальную талерку.
Больш рэцэптаў:
Цыбрыкі, або бульбяныя кракеты — закуска, якую з’ядуць хутчэй, чым вы яе прыгатуеце
Мексіканская кесадылья з курыцай, фасоляй, гароднінай і сырам
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль5
Каментары
А Рондаль або Рандоля -- ужо "састарэлі"?..
Дык пішэце ўжо тады Тарэлка, Трапка і г.д.
Дарэчы, "неверагодны" -- ня годны даверу ("недостоверный" на маскоўскім дыялекце ))