Свет66

У акіяне знік батыскаф з людзьмі, якія вырашылі пагрузіцца да «Тытаніка». Кіслароду на борце засталося менш, чым на суткі

У гэтыя самыя секунды на глыбіні Атлантычнага акіяна адбываецца сапраўдная трагедыя: ужо некалькі дзён і пакуль безвынікова ратавальнікі з некалькіх краін шукаюць экіпаж батыскафа, для якога сённяшні дзень можа стаць апошнім.

Фота: афіцыйны сайт OceanGate

У раёне Паўночнай Атлантыкі ўжо тры дні ідуць пошукі батыскафа кампаніі OceanGate, якая пагружае турыстаў да «Тытаніка» за немалыя грошы. Сувязь з батыскафам абарвалася яшчэ ў нядзелю, і на гэты момант у экіпажа на борце засталося кіслароду роўна на суткі — гэта значыць, што людзі могуць памерці ўжо заўтра раніцай.

Да гэтай трагедыі прыкавана ўвага літаральна ўсяго свету, і многія сусветныя медыя (як, напрыклад, Sky News, Бі-бі-сі і іншыя) цяпер асвятляюць працэс пошуку батыскафа. Прыводзім асноўнае, што вядома на гэты момант.

Агульныя звесткі аб здарэнні

У нядзелю, 18 чэрвеня, раніцай даследчае судна кампаніі Ocean Gate пад назвай «Polar Prince» прыплыло да месца, дзе больш за стагоддзе таму затануў знакаміты «Тытанік». Затым судна выпусціла ў акіян батыскаф «Тытан» з экіпажам на борце, які адправіўся на глыбіню да затанулага лайнера.

Праз амаль дзве гадзіны пасля пачатку пагружэння батыскаф перастаў выходзіць на сувязь з суднам «Polar Price», а тое, у сваю чаргу, з невядомых прычын не стала адразу паведамляць у надзвычайныя службы аб здарэнні. У выніку першая публічная інфармацыя аб страце батыскафа з'явілася толькі праз восем гадзін пасля знікнення сігналу.

Затанулы акіянічны лайнер «Тытанік». Менавіта да яго нядаўна пагружаўся батыскаф «Тытан» з экіпажам на борце, з якім потым знікла сувязь і які дагэтуль шукаюць ратавальнікі з некалькіх краін. Фота: Getty Images

Кошт аднаго месца на батыскафе — 250 тысяч даляраў. Экіпаж батыскафа, які знік, складаецца з пяці чалавек, гэта

  • Стоктан Раш, кіраўнік амерыканскай кампаніі OceanGate, якой і належыць батыскаф «Тытан»;
  • Поль-Анры Наржале, вядомы французскі вадалаз і даследчык, які за свае шматразовыя пагружэнні да «Тытаніка» атрымаў мянушку «Містар Тытанік»;
  • Хэміш Хардынг, брытанскі мільярдэр і кіраўнік кампаніі Action Aviation, якая прадае бізнэсджэты;
  • Шахзада Давуд, член адной з найбагацейшых сем'яў Пакістана і адзін з галоўных папячыцеляў Інстытута SETI, які займаецца пошукам пазаземных цывілізацый;
  • Сулейман, сын Шахзада Давуда, які проста адправіўся з бацькам паглядзець на «Тытанік».

Па стане на гэты момант ва ўсіх людзей на борце батыскафа, які знік, застаюцца літаральна суткі на выратаванне, бо іх кісларод, па падліках аналітыкаў і прэсы, скончыцца раніцай у чацвер 22 чэрвеня (і гэта пры ўмове, што экіпаж не будзе панікаваць і расходаваць з-за гэтага больш кіслароду).

Па актуальнай інфармацыі, цяпер пошукамі людзей займаецца пяць караблёў Берагавой аховы ЗША і яшчэ чатыры судны ад Канады і Францыі знаходзяцца на шляху да месца здарэння. У выратавальнай аперацыі таксама бяруць удзел самалёты, падводныя лодкі і дроны.

Як паведамляюць ратавальнікі, у такіх экстрэмальна цёмных і халодных умовах будзе вельмі складана знайсці батыскаф. Пакуль што на радарах былі выяўлены нейкія «падводныя шумы і паляпванні», аднак іх крыніца так і не была знойдзена. 

Каментары6

  • як
    21.06.2023
    Малазразумела, як так атрымалася, што баціскаф які спускаюць у пункце, а значыць па-над самым тытанікам ці каля яго, людзі згубіліся. Такое адчуванне, што гэта нейкае пастановачнае шоў з хэпіэндам.
  • Жвір
    21.06.2023
    Калі сувязі няма, значыць і кіслароду ўжо ня будзе. Хутчэй за ўсё разгерметызацыя. Шукаць трэба па плыні, каля месца пагружэньня батыскафа ўжо ня будзе.
  • ром
    21.06.2023
    Какая нафиг украина.. гэты цырк уже адыграны… давайця новы- шукаем батыскаф

Цяпер чытаюць

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Усе навіны →
Усе навіны

Філосаф Мацкевіч прапануе стварыць варыянт беларускай рускай мовы, каб зблізіць яе з беларускай122

Польскі суд адмовіўся выдаваць Германіі абвінавачанага ў падрыве «Паўночнага патока»4

Аляксандр Азараў закрывае фонд Bypol4

У «Беларуснафце» расказалі, як вырашаюць праблему чэргаў на АЗС6

У мінскай Камароўкі з'явіўся канкурэнт. Якія цэны на гэтым «сакрэтным» рынку?5

Пуцін узнагародзіў Андрэя Лемяшонка і ігуменню Гаўрыілу14

Ціханоўскай часова вярнулі ранейшую ахову16

Магутны выбух адбыўся на абаронным заводзе ў Стэрлітамаку2

Прылепін: Могілкі ва ўсіх нашых гарадах сталі вялізныя14

больш чытаных навін
больш лайканых навін

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука

Галоўнае
Усе навіны →

Заўвага:

 

 

 

 

Закрыць Паведаміць