Экс-музыка «Сяброў» расказаў, што выразаныя ім абразы сталі міратачыць
Экс-музыка «Сяброў» Анатоль Шчытоў паказаў абразы, якія выразае з дрэва, і падзяліўся, як на гэта захапленне яго выпадкова наштурхнуў лідар ансамбля Анатоль Ярмоленка.
Анатоль Шчытоў быў адным з першых музыкаў «Сяброў». А праз гады некалі бас-гітарыст і бэк-вакаліст у папулярным беларускім ВІА стаў іканапісцам і ўвайшоў у Саюз мастакоў Расіі. Вядома, што Шчытоў стварае разьбяныя абразы. Разьбой па дрэве ён заняўся яшчэ ў 1979 годзе, а на рахунку Анатоля больш за 300 работ. Яго арыенцірам у творчасці стаў вядомы скульптар Сяргей Канёнкаў.
Музыка быў у эфіры тэлеканала «Звезда», як піша «Камсамольская праўда». У тэлеэфіры Шчытоў распавёў, што ва ўласнай майстэрні працуе не толькі ён, але і яго дзеці. А яшчэ Анатоль падзяліўся тым, як прыйшоў да гэтай творчасці. Падчас гастроляў «Сяброў» у Краснадары Ярмоленка запрасіў Шчытова ў нумар і паказаў толькі што набыты абраз.
«На ложку стаяў прыхінуты да сцяны абраз. На мяне гэта зрабіла такое ўражанне велізарнае, што я стаяў на каленях (ложак нізкі) каля гадзіны. Я стаяў, глядзеў — для мяне гэта было проста чароўна», — падзяліўся Шчытоў.
Таксама ён расказаў, што па вяртанні з гастроляў выразаў маленькую фігурку з дрэва, якую падарыў свайму цёзцы — Ярмоленку. Гэта быў дэбют Шчытова ў мастацтве. Цяпер жа, кажа ён, працы яго сямейнай майстэрні знаходзяцца ў музеях, цэрквах, манастырах і прыватных калекцыях. Але гэта яшчэ не ўсё.
— Два абразы ў нас міраточаць. Гэта кажа пра тое, што Бог дакрануўся да таго, што мы робім, — падзяліўся музыка.
Цяпер чытаюць
На будынку Ліцэя БДУ павесілі банэр з забітым кадэбістам Нірванай, а вучняў адвезлі на яго магілу12
Каментары
прыкольны)
ёсць дзве песні пра Алесю - Песняроў і т.зв. Сяброў
дык вось песня ад Сяброў - гэта ̷б̷л̷я̷д̷с̷т̷в̷о̷ ̷в̷р̷а̷н̷ь̷е̷ папса
і дачку ярМОЛІнкі завуць насамрэч не Алеся