«Гатова адстаяць і наступную ноч, абы запісацца». У школу ў «Новай Баравой» выстраілася чарга з бацькоў
Навучальны год толькі скончыўся, а жыхары раёна «Новая Баравая» і вёскі Копішча ўжо думаюць пра наступны. У панядзелак «Школа будучыні» пачынае прыём заяў на паступленне ў першы клас. Колькасць месцаў абмежаваная — усяго 150, так што бацькі, якія хочуць аддаць дзяцей акурат у гэтую навучальную ўстанову, напружыліся, пра гэта піша Onliner.
Неўзабаве з'явіўся і спіс «чаргавікоў». Як расказала адна з чытачак, цяпер у ім каля 70 чалавек.
— Арганізаваліся яшчэ ўчора, каля 15:00. Было і начное дзяжурства. Асабіста я гатова адстаяць і наступную ноч, абы запісацца ў гэтую школу. У мяне там вучыцца старэйшае дзіця, хачу, каб малодшы таксама ў яе трапіў, — адзначыла суразмоўніца.
Па словах іншага чытача, на гэты момант каля навучальнай установы дзяжураць чалавек 10-15. Астатнія падыдуць бліжэй да 12:00, калі будзе чарговая пераклічка. Так-так, тут усё вельмі строга. Калі нехта не адгукнецца на сваё прозвішча, яго выкрэсліваюць са спіса.
— У цэлым атмасфера тут прыязная, усе адно аднаго падтрымліваюць, — падсумавала мінчанка.
Бліжэйшым часам будуць вызвалены больш за 150 палітзняволеных39
Каментары
2. "Я убегаю от человека на свидании, когда он сел завязать шнурки. Потому что нет матча. Но каждый мой бывший - токсик, которого я понашу в социальных сетях."