Усяго патроху33

Індыйскі чыноўнік асушыў вадасховішча, каб знайсці свой мабільны тэлефон

Скандальная гісторыя адбылася ў індыйскім штаце Чхатысгарх. Мясцовы чыноўнік Раджэш Вішвас рабіў падчас адпачынку сэлфі на нядаўна куплены тэлефон і неасцярожна ўпусціў прыладу, якая ўпала ў ваду. Спробы выратаваць тэлефон урэшце каштавалі чыноўніку пасады, паведамляе выданне The Indian Express.

Раджэс Вішвас на вадасховішчы. Фота: indianexpress.com

32-гадовы Раджэш Вішвас у нядзелю, 21 мая, адправіўся з сябрамі на пікнік на вадасховішча Паралкот. Калі ён рабіў сэлфі, то выпадкова тэлефон упаў у вадаём глыбінёй 10 футаў (каля 3,5 метра).

Каментуючы пазней сітуацыю The Indian Express, чыноўнік выклаў сваю версію таго, што адбылося далей: «Так як я мясцовы, то некаторыя вяскоўцы, якія добра ўмеюць плаваць, ныралі, каб знайсці мой тэлефон. Два дні шукалі. Калі да аўторка не змаглі яго знайсці, яны прапанавалі зліць ваду на некалькі футаў. Я сказаў, што тэлефон ужо сапсаваны, але мясцовыя жыхары, якія са мной у добрых адносінах, настойвалі, што знойдуць яго для мяне».

Пасля таго чыноўнік, па яго словах, патэлефанаваў адказнаму супрацоўніку Дэпартамента водных рэсурсаў, які даў вусны дазвол на спуск вады. Пасля гэтага была арандавана дызельная помпа, пры дапамозе якой цягам двух дзён з рэзервуара злілі шмат вады.

Тэлефон у пашкоджаным стане ўрэшце знайшлі і перадалі Вішвасу, але гэта яго калі і парадавала, то нядоўга. Бо вышэйшае начальства, калі даведалася пра сітуацыю, палічыла, што ніводная службовая асоба не можа такое рабіць самастойна без папярэдняга дазволу.

У выніку Вішвас быў адхілены ад сваёй працы. Таксама яму, як і таму супрацоўніку, што даў дазвол на спуск вады, давядзецца, відаць, кампенсаваць нанесеныя страты.

Пры гэтым, як паведамляецца, Раджэш Вішваш ужо адхіляўся ад пасады ў 2021 годзе за злоўжыванні пры размеркаванні рысу, але тады яму даравалі. 

Тэлефон Samsung S23 ultra, з-за якога чыноўнік ахвяраваў пасадай, як паведамляецца, каштаваў 95000 індыйскіх рупій (каля 1150 даляраў ЗША).

Чытайце таксама:

У Японіі ютубера арыштавалі за спойлер да відэагульні. Такое адбылося ўпершыню ў гісторыі

«Чайкі і спайс — не вельмі добрае спалучэнне». У Вялікабрытаніі птушкі пачалі красці спайс і абкуранымі нападаць на людзей

Кітайская кампанія папрасіла супрацоўніц пайсці ў дэкрэт па чарзе

Каментары3

  • жахi iндыi
    28.05.2023
    Якi можа быць пiкнiк на смярдзючым вадахранiлiшчы дзе моюць ногi, апаражняюцца i скiдваюць мерцвякоў
  • Алекс
    28.05.2023
    У Беларусі поўна такіх вадаёмаў і нічога , ладзяць пікнікі, купаюцца.
  • жахi iндыi
    28.05.2023
    Алекс, вунь глядзi каналiзацыйная труба там iдзе, злiваюць нечыстоты прама ў ваду, дзе ты такое у Беларусi бачыў ?

Цяпер чытаюць

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?22

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Усе навіны →
Усе навіны

У Полацку жанчыну пакаралі за відэа ў тыктоку з мільённымі праглядамі3

Генадзь Туміловіч, толькі ўладкаваўшыся на працу ў Ізраілі, адразу ж уляпаўся ў скандал8

У сацсетках паскардзіліся, што міліцыя штрафуе за фатаграфаванне ў полі з васількамі. Гэта сапраўды так?5

Прэм'ер Літвы раскрытыкаваў рашэнне Польшчы ўвесці памежны кантроль5

Прапагандыстам удалося сарваць вечарыну памяці Ларысы Геніюш у Мінску3

«Гэта зусім іншы пад'езд». Беларусы скардзяцца на фармальную працу службы 115.бел1

Беларус расказаў, колькі можна зарабіць на клубніцах у Швецыі10

Польшча аднавіла кантроль на мяжы з Літвой. Што там цяпер адбываецца?

Пуцін паслаў у Баку вырашаць канфлікт з Аліевым свайго былога ад'ютанта

больш чытаных навін
больш лайканых навін

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?22

«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?

Галоўнае
Усе навіны →

Заўвага:

 

 

 

 

Закрыць Паведаміць