Беларус паеў хатніх марынаваных агуркоў з памідорамі і ледзь не памёр
Яго выратавалі толькі дзякуючы экстраннай медыцынскай дапамозе. Але правёў мужчына ў бальніцы 12 сутак.
Жыхар Баранавічаў атруціўся, паеўшы хатніх кансерваў — марынаваных агуркоў і памідораў. У яго выявілі батулізм. Выратавалі мужчыну дзякуючы своечасовай медыцынскай дапамозе, а выпісалі з бальніцы толькі на 12 суткі, піша Blizko.by.
Гігіеністы нагадваюць, што батулізм — гэта смяротна небяспечнае харчовае атручэнне, якое ўзнікае з-за ўжывання прадуктаў, заражаных палачкамі батулізму. У закатаных кансервах яны выпрацоўваюць таксін Clostridium botulinum — па сутнасці, яд, які пераўзыходзіць усе іншыя бактэрыяльныя таксіны і нават хімічныя яды і выклікае цяжкае паражэнне цэнтральнай нервовай сістэмы.
Clostridium botulinum устойлівы да высокіх канцэнтрацый солі (да 18%), не знішчаецца ў прадуктах, якія змяшчаюць спецыі. Адзінае, што можа яго забіць, — кіпячэнне на працягу 20—30 хвілін.
Труцяцца людзі часцей за ўсё хатнімі кансервамі, напрыклад, марынаванай гароднінай або грыбамі. Таксама можна атрымаць атручэнне вяленымі прадуктамі і рыбай.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
а я чытала, што кіслая срэда
то бок салёныя кансервы могуць быць небяспечны, а марынаваныя (з дадаваннем воцату) не