У беларускіх крамах сталі прадаваць расійскае піва ў незвычайнай упакоўцы
У многіх беларускіх крамах сталі прадаваць піва ў трохлітровых слоіках. Яшчэ некаторы час таму алкаголь у такой тары нідзе нельга было знайсці, але цяпер гэта, падобна, робіцца масавай з'явай, заўважыла выданне Tochka.by.
Напрыклад, у мінскім супермаркеце магілёўскай гандлёвай сеткі «Перекрёсток» на выбар прапануюць тры варыянты піва ў трохлітровых слоіках, вырабленага на заводзе «Панкрат», размешчаным у Ліпецкай вобласці Расіі. Пастаўляе напоі ў Беларусь магілёўскі імпарцёр — ТАА «Гандлёвы дом Варніца».
З чым звязаны такі незвычайны выбар вытворцамі тары для піва, свядома гэта ці вымушана — дакладна не вядома. Каштуе ж яно ў Беларусі нятанна — больш за 30 рублёў за слоік.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары