У маі Мінабароны зноў правядзе вучэнні. Прызавуць тысячу чалавек з запасу
У маі будзе праведзены чарговы этап комплекснай праверкі баявой гатоўнасці воінскіх часцей і падраздзяленняў, якія прыцягваюцца да рэагавання на крызісныя сітуацыі, паведамляе Мінабароны.
Удзельнікі апалчэння ў Глівінскім сельскім Савеце (Барысаўскі раён). Фота: «Мінская праўда»
Праверкі пройдуць найперш у воінскіх часцях і падраздзяленнях, якія дыслакуюцца ў Гродзенскай, Брэсцкай і Мінскай абласцях.
Вучэнні і трэніроўкі будуць рознага маштабу. Падчас некаторых пройдзе прызыў ваеннаабавязаных. Іх колькасць — да 1000 чалавек.
Адной з асаблівасцяў комплекснай праверкі будзе «апрабацыя фарміравання атрадаў народнага апалчэння» і выкананне імі вучэбна-баявых задач.
Акрамя таго, экіпажы ВПС і войскаў СПА ва ўзаемадзеянні з экіпажамі ПКС РФ будуць патруляваць паветраную прастору Рэспублікі Беларусь.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары