Прэзідэнт Італіі Серджа Матарэла заявіў, што мір па выніках вайны абавязкова павінен быць справядлівым для Украіны, а таксама выказаўся за больш хуткае далучэнне дзяржавы да Еўрасаюза. Гэта адбылося на сустрэчы з прэм'ер-міністрам Украіны Дзянісам Шмыгалем у Квірынальскім палацы, піша «Украінская праўда».
На сустрэчы абмяркоўвалі пытанні патэнцыйных мірных перамоў, ядзернай бяспекі і пасляваеннага аднаўлення.
«Італія выказвае рашучую падтрымку таму, каб Украіна далучылася да ЕС у самы хуткі магчымы тэрмін, і мы вітаем абавязацельствы ўкраінскай улады рухацца па шляху рэформаў», — сказаў італьянскі прэзідэнт.
Матарэла адзначыў, што Італія настроена ў поўнай меры падтрымліваць Украіну ва ўсіх сферах і столькі, колькі гэта будзе неабходна.
«Абарона незалежнасці, свабоды і тэрытарыяльнай цэласнасці Украіны — гэта фундаментальная каштоўнасць для ўсіх краін, якія выступаюць за свабоду народаў і свабоду. Мы ўсе хочам міру, але гэта павінен быць справядлівы мір, з павагай да тэрытарыяльнай цэласнасці Украіны», — падкрэсліў прэзідэнт Італіі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары