Крэйг Вудкрафт больш не будзе трэніраваць хакейнае «Дынама». Ягоная кар'ера ў Мінску скончылася паразай ягонай каманды ў гульні з Лукашэнкам
Кантракт з канадскім спецыялістам заканчваецца 30 красавіка. І, як паведамляе прэс-служба мінскага «Дынама», ён больш не будзе галоўным трэнерам каманды.
Сезон 2022/23 для Вудкрафта стаў чацвёртым запар і пятым у цэлым як галоўнага трэнера «зуброў». Усяго канадзец правёў ля руля каманды 303 матчы, што з'яўляецца рэкордам клуба.
За час яго працы «Дынама» чатыры разы выходзіла ў плэй-оф, прычым тройчы запар, але кожны раз спынялася на першым раўндзе.
24 сакавіка, ужо пасля вылету з плэй-оф КХЛ, «Дынама» правяло спарынг з камандай Лукашэнкі і прайграла з лікам 13:15. Пасля той гульні палітык паразмаўляў з трэнерам і раскрытыкаваў яго працу.
«Калі б у Амерыцы і Канадзе столькі кіраўнікі рабілі для хакея, колькі ў нас, яны б у космасе былі. А вы тут цялёпаецеся туды-сюды ў гэтым плэй-оф. Чакаем у наступным годзе ад вас сапраўднай гульні», — сказаў тады Лукашэнка, але ў наступным годзе «Дынама» будзе кіраваць іншы спецыяліст.
Таксама Вудкрафт з'яўляецца галоўным трэнерам зборнай Беларусі па хакеі. Ён запомніўся ўдзелам у «пакаяльным» відэа, калі каманда праваліла адбор на Алімпіяду.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі30
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары