Затрымалі адвакатаў Белавуса, Бабарыкі, Ціханоўскага, Аўтуховіча і іншых палітвязняў
Затрыманні адвакатаў прайшлі яшчэ ўчора.
Адвакаты Інэса Аленская і Юрый Козікаў
Сярод тых, да каго прыйшлі сілавікі, — абаронцы палітвязняў.
Так, адвакат Уладзімір Сташкевіч абараняў Мікалая Аўтуховіча і Марыю Калеснікаву, Іван Чыжык — Віктара Бабарыку, Юрый Козікаў — Максіма Знака і Яўгена Юшкевіча.
Арцём Сям’янаў з'яўляецца адвакатам Ігара Лосіка, Паўла Белавуса, «вясноўца» Валянціна Стэфановіча. Інэса Аленская — адвакатка Сяргея Ціханоўскага, Рамана Пратасевіча, Насты Лойка, Рыгора Кастусёва.
Адвакаты Арцём Сям’янаў (злева) і Іван Чыжык
Ва ўсіх іх прайшлі вобшукі. Прычыны затрыманняў невядомыя.
Учора прайшла аблава на адвакатаў, вядома пра шэсць затрыманых
Адваката Міхаіла Макарава асудзілі да года калоніі за ўдзел у акцыі пратэсту
Каментары