Cтартап Figure апублікаваў першыя фоты свайго ўніверсальнага гуманоіднага робата
Гэтыя андроіды патэнцыйна змогуць працаваць менеджарамі складоў, камплектавальнікамі ў гіпермаркетах і нават сацработнікамі пры нямоглых людзях.
Ідэя стварэння чалавекападобных робатаў не новая. Па-першае, няма нічога прыгажэйшага за чалавечае цела. І, хоць цяжка назваць наша цела вяршыняй энергаэфектыўнасці або дызайну, тым не менш, так званы форм-фактар тут мае важную ролю, бо наша навакольнае асяроддзе створанае намі з улікам сябе і нашых асаблівасцяў. Таму не дзіўна, калі інжынеры імкнуцца ствараць робатаў па нашым вобразе і падабенстве, каб выконваць нашу працу.
Стартап Figure, пра існаванне якога стала вядома ў мінулым верасні, прадэманстраваў выявы свайго першага гуманоіднага робата ў пачатку сакавіка, расказвае TechCrunch.
Figure не першы на гэтым рынку. Такія вядомыя гульцы, як Tesla, Boston Dynamics, таксама імкнуцца стварыць універсальнага гуманоіднага робата, які быў бы здольны выконваць мноства штодзённых задач: ад фізічнай працы да фізічнай працы пры доглядзе старых людзей.
«Фігура 01» (Figure 01, як назвалі сваё стварэнне ў кампаніі), зборку якой завяршылі ў снежні, цяпер праходзіць тэставанне. Выявы «Фігуры 01», прапанаваныя кампаніяй, па сваёй сутнасці падобныя да таго, што выпускала Tesla разам з анонсам свайго робата. Таму гонка за стварэнне мадэлі, якую можна камерцыялізаваць, робіцца ўсё больш напружанай.
Заснавальнік Figure Брэт Адкок кажа, што іх каманда (у якую ўваходзяць былыя супрацоўнікі перадавых кампаній Boston Dynamics, Tesla, Apple SPG, IHMC, Cruise) знаходзіцца ў тым пункце, калі можа камерцыялізаваць робатаў, праца над якімі цягам апошніх двух дзесяцігоддзяў круцілася ў асноўным толькі вакол даследаванняў і распрацовак. Цяпер яны працуюць над гуманоідным робатам другога пакалення, які, як абяцаюць, будзе мець усе функцыі для камерцыйнага выкарыстання, а ў перспектыве і для маштабавання вытворчасці.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары