Кубракоў пракаментаваў увядзенне смяротнага пакарання чыноўнікам за здраду і расказаў, чаму ганарыцца сынам
«Гэта здраднікі, і са здраднікамі проста па-іншаму нельга». Так у інтэрвʼю расійскаму інфармацыйнаму агенцтву Sputnik сказаў міністр унутраных спраў Іван Кубракоў.
«Нельга быць дзяржслужачым, працаваць у сілавой структуры і здрадзіць Радзіме. Вядома, такія людзі заслугоўваюць самага жорсткага пакарання. Таму я скажу за ўсё Міністэрства ўнутраных спраў — мы цалкам падтрымліваем гэты закон.
Калі яны здрадзілі, то гэта здраднікі, і са здраднікамі проста па-іншаму нельга. Мы ведаем, што ў гады Вялікай Айчыннай вайны рабілі са здраднікамі».
Кубракоў сказаў, што для яго, як для супрацоўніка органаў унутраных спраў, як «проста для мужчыны, для чалавека», самае страшнае — гэта здрада.
«Здраднікаў не цярпелі ніколі. 2020 паказаў, хто ёсць хто. На жаль, знайшліся і ў органах унутраных спраў людзі, якія не вытрымалі гэтай нагрузкі, пагроз і сапраўды здрадзілі інтарэсам службы. Але такіх адзінкі. Да іх адразу ж былі прыняты меры, і мы звярталіся да кіраўніка дзяржавы, каб пазбавіць гэтых людзей звання».
Кубракоў сказаў, што большасць з тых, хто падтрымаў пратэсты, «проста баязліва збегла — зʼехала з краіны».
Таксама Кубракоў распавёў, што яго сын — аператыўнік у Цэнтральным РУУС Мінска.
«Вы ведаеце, калі я з ім размаўляю, я рады, што гэта мой сын. Зразумела, што ён сын міністра, але ён ніколі гэтым не прыкрываецца. Гэта я ведаю дакладна і вельмі строга гэта адсочваю. Заўсёды ўдакладняю: ён сын міністра, але не сынок міністра. Я вельмі ганаруся, што ён пайшоў па маіх слядах. Яму прапаноўвалі пайсці і ва УУС, у іншыя падраздзяленні, але ён хоча працаваць «на зямлі», і мне гэта падабаецца», — сказаў Кубракоў.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары