Прэзідэнт Кыргызстана Садыр Жапараў сустрэўся з усімі былымі кіраўнікамі дзяржавы. Сустрэча прайшла на нейтральнай тэрыторыі.
Па словах прэс-сакратара прэзідэнта, прыехалі Аскар Акаеў, Курманбек Бакіеў, Роза Атунбаева, Алмазбек Атамбаеў, а таксама Сааранбай Жээнбекаў.
Як напісаў Жапараў у фэйсбуку, ён сеў за адзін стол з усімі былымі кіраўнікамі дзяржавы дзеля стабільнасці.
«У цяперашнюю эпоху глабалізацыі толькі краіны, якія імкнуцца да ўнутранай стабільнасці, нацыянальнай згоды, устаюць на шлях развіцця і становяцца магутнымі дзяржавамі. У якім стане цяпер знаходзіцца старажытны кыргызскі народ? З-за адсутнасці гармоніі, барацьбы за ўладу мы губляем нашу старажытную імперыю і, здаецца, застаёмся ў кутку Сярэдняй Азіі», — напісаў ён.
«Мяне даўно гняла думка пра тое, што калі аб'яднаць усіх прэзідэнтаў, якіх выбраў народ, чый тэрмін скончыўся сумна, то, магчыма, мы станем адзіным народам, згуртаваным у адзін кулак. Мая мэта — аб'яднаць прыхільнікаў былых прэзідэнтаў, аднадушна развіваць народ і эканоміку краіны», — дадаў Жапараў.
Цяпер чытаюць
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы2
«Хлопцы паднеслі мае сумкі — і тут жа паехалі ў ШІЗА». Бабарыка расказаў, як яму стваралі ў турме невыносныя ўмовы
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары