Беларуская чыгунка хоча прыцягнуць 5 мільёнаў даляраў ад продажу токенаў
Беларуская чыгунка пачала размяшчэнне токенаў на крыптаплатформе Finstore.by. Аб'ём эмісіі лічбавых знакаў — $5 млн. Такі аб'ём інвестыцый дзяржкампанія разлічвае прыцягнуць у бягучую дзейнасць, піша Office Life.
Заяўленая даходнасць па выпушчаных токенах — 7,9% гадавых, намінал — $100, усяго выпушчана 50 тыс. токенаў.
У праспекце эмісіі БЧ паведамляе, што 2022 год прынёс пэўны пазітыў у частцы аднаўлення пасажырскіх перавозак, аб'ём якіх склаў 62 млн чалавек. Выручка ад пасажырскіх перавозак узрасла на 44,5%.
Аб'ём перавозак у міжнародных зносінах павялічыўся да 2,7 млн пасажыраў і адносна ўзроўню дапандэмійнага 2019 года вырас на 12,5 тыс., у тым ліку ў прамых зносінах перавезена 2,5 млн чалавек, або 118% да ўзроўню 2019 года.
Па-ранейшаму найбольшую долю ў агульным аб'ёме займаюць перавозкі пасажыраў у межах краіны.
Finstore.by — анлайн-платформа банкаўскага холдынга ААТ «Банк БелВЭБ», якая аказвае паслугі па продажы і размяшчэнні токенаў. Да цяперашняга часу платформа дапамагла прыцягнуць інвестыцыі 65 кампаніям.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары