Журналіст Дзмітрый Семчанка з-за кратаў: «Прыемная ўвага, якая надае сэнс маім учынкам»
Дзмiтрый — журналіст і тэлевядоўца, які раней займаў пасаду ў частцы «прэзідэнцкага пула» тэлеканала АНТ. Супраць яго распачалі крымінальную справу па ч. 1 арт. 130 КК (распальванне сацыяльнай варожасці ці варажнечы).
Днямі палітвязень даслаў на волю вестачку:
«Вітанкі, даражэнькі і цудоўны чалавечак! Шчыры дзякуй. Усё дайшло да мяне. Ва ўсіх сэнсах. Толькі гарбатку ў пакеціках нельга дасылаць, таму яе не прынеслі, але гэта дробязі.
Куды больш прыемная ўвага, якая надае сэнс маім учынкам і сёняшняму існаванню тут. Таму яшчэ раз дзякую! Міне нейкі час (спадзяюся, што хутка), і ў адным са знакавых месцаў абавязкова зробяць помнік у выглядзе анёла з паштоўкай у адной руцэ і з бандэролькай у другой. Зразумела, каму ён будзе прысвечаны».
Дзмітрыя Семчанку затрымалі разам з жонкай 15 верасня і прысудзілі яму 15 сутак адміністрацыйнага арышту па артыкуле 19.1 КаАП (дробнае хуліганства). Пасля заканчэння гэтага тэрміну Дзмiтрый не выйшаў на волю і быў асуджаны яшчэ на 13 сутак арышту па артыкуле 19.11 КаАП за распаўсюд «экстрэмісцкіх матэрыялаў» у сацыяльных сетках.
А 13 кастрычніка 2022 года не выйшаў на волю, стала вядома, што на яго завялі крымінальную справу па ч. 1 арт. 130 КК РБ (распальванне сацыяльнай варожасці ці варажнечы). Артыкул прадугледжвае максімальную санкцыю ў выглядзе пазбаўлення волі да пяці гадоў.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі19
Каментары