Эканоміка22

У праекце бюджэту-2023 запланаваны рост выдаткаў на сілавікоў

У праекце рэспубліканскага бюджэту на 2023 год запланавана павелічэнне расходаў на нацыянальную абарону і сілавыя органы. Выдаткі на адукацыю і ахову здароўя таксама вырастуць, але не так моцна, заўважыла Reform.by.

На нацыянальную абарону плануецца выдаткаваць 2,77 млрд рублёў, у тым ліку на абарону і ўзброеныя сілы — 2,635 млрд рублёў, а на дапамогу мабілізацыйнай падрыхтоўкі і мабілізацыі — 110,5 млн рублёў. У параўнанні з бюджэтам-2022 абаронныя выдаткі павялічваюцца на 960 млн рублёў, у тым ліку на ўзброеныя сілы — на 930 млн рублёў.

Выдаткі на сілавыя структуры, гэта значыць, на судовую ўладу, праваахоўную дзейнасць і захаванне бяспекі, згодна з праектам, складуць 4,07 млрд рублёў, або на 926 млн рублёў больш, чым у бюджэце-2022, у тым ліку:

— на органы ўнутраных спраў — 1,49 млрд рублёў (+340 млн рублёў).

— на пракуратуру — 144,16 млн рублёў (+34 млн рублёў),

— на органы пагранслужбы — 391,06 млн рублёў (+90 млн рублёў),

— органы крымінальна-выканаўчай сістэмы — 347,87 млн рублёў (+74 млн рублёў),

— органы дзяржбяспекі — 334,6 млн рублёў (+93 млн рублёў)

— органы судовай улады — 231,28 млн рублёў (+53 млн рублёў),

— мытню — 215,04 млн рублёў (+42 млн рублёў),

— органы і падраздзяленні па надзвычайных сітуацыях — 445,6 млн рублёў (+98 млн рублёў).

У рэспубліканскім бюджэце запланавана на адукацыю 1,635 млрд рублёў, у тым ліку на вышэйшую — 1,2 млрд рублёў. Выдаткі на адукацыю павялічваюцца на 170 млн рублёў. Трэба адзначыць, што выдаткі на ахову здароўя і адукацыю ў значнай ступені фінансуюцца з мясцовых бюджэтаў.

Выдаткі на фізкультуру, спорт, культуру і СМІ запланаваны ў памеры 624,3 млн рублёў, у тым ліку на СМІ — 162,4 млн рублёў, на фізкультуру і спорт — 273,85 млн рублёў, а на культуру — 182,07 млн рублёў. Выдаткі на СМІ павялічваюцца на 11 млн рублёў, на культуру — на 26 млн рублёў, а на фізкультуру і спорт — на 38 млн рублёў. АНТ атрымае 4,66 млн рублёў, СТБ — 3,84 млн рублёў, Белтэлерадыёкампанія — 120,3 млн рублёў.

Рэспубліканскі бюджэт выдаткуе на сацыяльную палітыку 2,64 млрд рублёў, або на 330 млн больш, чым было запланавана ў бюджэце-2022.

Каментары2

  • Понятно
    29.11.2022
    Понятно, лукашенко подкупает и закармливает карателй Народа Беларуси.
  • семейка и ее псы
    29.11.2022
    Они, как и семейка, тоже хотят вкусно кушать.

Цяпер чытаюць

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Усе навіны →
Усе навіны

Ініцыятыва Maldzis вяртае старадрук Сімяона Полацкага11

Марадона падчас свайго візіту ў Беларусь не захацеў сустракацца з Румасам1

Лукашэнка пракаментаваў збіццё сабакі ў Гродне і расказаў пра сваё трапяткое стаўленне да жывёл10

Дроны УСУ ўдарылі па двух расійскіх аб’ектах ВПК

Уладальніца беларускага брэнду жаночага адзення Moshe здзівілася шалёным цэнам канкурэнтаў11

Ізраіль наносіць новы ўдар па Іране3

«Прапанаваў грошы». Беларуска распавяла, як КДБ спрабаваў яе вербаваць1

Іранскія ракеты забілі 5 чалавек у Ізраілі, больш за 80 параненыя. Цэлі былі выпадковыя2

«У наш час у Хрыста была б жоўтая бірка». Былы палітвязень Аляксандр Тарасенка распавёў пра свой досвед за кратамі2

больш чытаных навін
больш лайканых навін

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Галоўнае
Усе навіны →

Заўвага:

 

 

 

 

Закрыць Паведаміць