У Мінску каля Цнянскага вадасховішча арабы пабудуюць парк з беларускімі асаблівасцямі
Арабскі забудоўшчык комплексу «Паўночны бераг», кампанія з ААЭ Emaar Properties пабудуе на беразе Цнянскага вадасховішча парк з беларускімі нацыянальнымі асаблівасцямі. Пра гэта расказаў старшыня Мінгарвыканкама Уладзімір Кухараў.
«Вельмі важна, што інвестар пачынае свой праект менавіта з добраўпарадкавання тэрыторыі, стварэння камфортных умоў для пражывання. Упэўнены, што сумеснымі намаганнямі мы зможам рэалізаваць гэты праект. Таксама вельмі добра, што для рэалізацыі гэтай паркавай зоны, яе праектавання запрошаныя беларускія архітэктары, беларускія скульптары, якія зробяць свой унёсак у рэалізацыю гэтага праекта.
Гэта новыя, цікавыя творчыя рашэнні, якія сапраўды ўпрыгожаць гэты парк. Мы ўжо вырашылі, што будзем працаваць менавіта над тым, каб ён арганічна ўпісаўся ў гэтую тэрыторыю, каб ён быў сапраўды з беларускім акцэнтам, з нашымі нацыянальнымі асаблівасцямі. І, вядома ж, ён павінен стаць упрыгожаннем гэтага ўсяго праекта», — расказаў Кухараў, якой ён бачыць будучыню парку.
Махамед Алі Алабар, кіраўнік кампаніі Emaar Properties з Аб'яднаных Арабскіх Эміратаў, таксама гаварыў пра ўнікальнасць парку:
«Цнянскае вадасховішча — вельмі прыгожае месца, таму мы абавязаныя акультурыць яго і стварыць там неверагодны парк. Хачу падарыць мінчанам нешта асаблівае. Не мае значэння, будзеце вы купляць кватэру ў нашым комплексе ці не, важна стварыць месца, куды людзі змогуць прыходзіць гуляць і добра бавіць час», — сказаў забудоўшчык.
Emaar Properties збіраецца будаваць у Мінску комплекс «Паўночны бераг» паміж Драздамі і Цнянскім вадасховішчам. Праект ацэньваецца ў 4 мільярды еўра.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
гэта якія? тыя, што рабілі дВОРец неЗ%вісімості? з такім кала-
рытам?