Чарапах звычайна лічаць даволі маўклівымі жывёламі. Але навукоўцы высветлілі, што, калі да іх прыслухацца, чарапахам ёсць што сказаць, хаця гучыць гэтая гутарка надта нязвыкла.
Навукоўцы даследавалі 53 біялагічныя віды, якія раней лічыліся «нямымі». Акрамя чарапах, у спіс трапілі рэптыліі туатара, дваякадыхальныя рыбы, бязногія земнаводныя і іншыя жывёлы, піша The Times.
Даследаванне, апублікаванае ў выданні Nature Communications, паказала, што гэтыя віды здольныя прамаўляць шэраг гукаў, падобных да каркання, трэску, шчабятання, варкатання і рохкання. Частка з даследаваных чарапах выдавала некалькі тыпаў гукаў, а некаторыя, як кажуць навукоўцы, і ўвогуле «не пераставалі балбатаць».
Вучоныя паставілі абсталяванне, каб на працягу 24 гадзін зрабіць аўдыязапісы гукаў жывёл. Частка тэхнікі працавала пад вадой, каб запісаць гукі дваякадыхальнай рыбы — амфібіі, якая жыве ў прэснай вадзе і можа дыхаць паветрам.
Габрыэль Ёргевіч-Коэн, галоўны даследчык, апісаў «гаворку» чарапах так: «Чуваць шмат пстрыканняў, некаторыя з іх падобныя да варкатання коткі, некаторыя — да рыпення дзвярэй. Бязногія земнаводныя гучаць як нешта сярэдняе паміж кваканнем і адрыжкай. Кайманавая чарапаха падобная да Дарта Вейдэра».
Ёргевіч-Коэн, аспірант Цюрыхскага ўніверсітэта, выразіў упэўненасць, што пачутыя падчас даследавання гукі выкарыстоўваліся для камунікацыі.
152, 250, 512 гадоў: якія істоты жывуць даўжэй за ўсіх?
Як і навошта чарапахі дыхаюць азадкам? Цікавы факт
Чарапаха ў Вялікабрытаніі збегла ад гаспадыні. За 15 месяцаў яна прапаўзла некалькі кварталаў
Цяпер чытаюць
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію3
Каментары