Галоўчанку не падабаецца школьнае харчаванне: «заведама нясмачныя, аднастайныя, неэстэтычна аформленыя стравы»
Новае пытанне, якім заняўся прэм'ер Раман Галоўчанка — якасць і змест школьнага харчавання. На ягоную думку, гэта акурат тая праблема, якую «варта разгледзець на ўзроўні ўрада». У выніку была праведзена адмысловая нарада.
Падчас нарады Галоўчанка панаракаў, што «на жаль, нашых дзяцей таксама закранулі негатыўныя з'явы, звязаныя з ростам спажывання хлебабулачных вырабаў, чыпсаў, прысмакаў, салодкіх газаваных напояў, недахоп мікра— і макранутрыентаў, высокае спажыванне цукру, солі і транстлушчаў». Таму ў пачатку 2022 года натуральныя нормы харчавання былі актуалізаваныя: зменшаныя па цукру, солі, кандытарскіх вырабах, затое ў рацыёне стала больш гародніны і садавіны.
Аднак вылезла іншая праблема — якасць школьнага харчавання і яго арганізацыя. Вучням, маўляў,
«нярэдка прапануюцца заведама нясмачныя, аднастайныя, неэстэтычна аформленыя стравы. Дзеці іх проста не ядуць. Адсюль і вялікая колькасць адкідаў пасля школьных сняданкаў і абедаў».
Для вырашэння гэтых пытанняў Мінадукацыі прапануе шэраг мер, але Галоўчанку яны не задавальняюць, бо «носяць у асноўным арганізацыйна-фінансавы характар», у той час як «павінны быць такімі, каб зрабіць харчаванне ў школах, гімназіях, дашкольных установах сапраўды смачным, здаровым, разнастайным і ўлічваць пажаданні дзяцей». Як менавіта гэта зрабіць — пакуль што да канца не зразумела.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары