Камандзір з палка «Пагоня»: Наш тэлеграм-канал захоплены, а абодва байца, якія пакінулі полк, прайшлі паліграф
У сеціве з'явіўся відэазварот, на якім чалавек, што прадставіўся камандзірам роты з палка «Пагоня» Мікалаем Сікорскім, паведамляе пра тое, што тэлеграм-канал ягонага вайсковага фармавання перахоплены іншымі людзьмі. Што гэта за людзі, ён не ўдакладніў.
Таксама Сікорскі аспрэчыў інфармацыю, што двух байцоў «Пагоні» з пазыўнымі «Франц» (Ціхан Клюкач) і «Карыч» дэпартавалі з Украіны, прычым аднаго нібыта за імаверную супрацу з КДБ Беларусі. Паводле словаў Сікорскага, абодва байцы праходзілі паліграф у СБУ і зрабілі гэта паспяхова.
Як заявіў таксама Сікорскі, пра перамяшчэнні «Франца» і «Карыча» было вядома прадстаўніку Аб'яднанага пераходнага кабінета па пытаннях абароны і нацыянальнай бяспекі Валерыю Сахашчыку, а самавольна ніхто з байцоў полк не пакідаў.
Што тычыцца грошай на тое, каб пакінуць Украіну, то байцы нібыта атрымалі іх ад самога Сікорскага і ад блогера Virus, якому пракаментавалі падзеі.
Чытайце таксама:
Два маладыя байцы палка «Пагоня» самавольна пакінулі падраздзяленне. Аднаго з іх СБУ падазрае ў супрацы з КДБ
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары