Стала вядома, якія выбары збіраецца праводзіць Нацсавет з Цапкала і Карач
Палітыкі на чале з Веранікай Цапкала, Вольгай Карач і Дзмітрыем Балкунцом збіраюцца правесці выбары ў альтэрнатыўны парламент. Яны просяць ААН, АБСЕ, Савет Еўропы, Еўрапейскі парламент аказаць ім дапамогу ў правядзенні выбараў і даслаць міжнародных назіральнікаў. Вось як будзе выглядаць гэты Нацсавет (цяпер дзейнічае часовы склад).
Па задуме, Нацыянальны савет Рэспублікі Беларусь будзе абірацца на 2 гады, у склад увойдуць 45 чалавек. У ім будзе некалькі камітэтаў — па развіцці грамадзянскай супольнасці і канстытуцыйнай рэформе, па нацыянальнай бяспецы, па эканоміцы і фінансах, па міжнародных справах, па правах чалавека, вызваленні і рэабілітацыі палітычных зняволеных і іншыя.
Як расказваюць аўтары ідэі, такая альтэрантыва парламенту будзе дзейнічаць у час да змены рэжыму і ў транзітны перыяд.
Як менавіта будуць праводзіцца выбары ў Нацсавет, пакуль не ясна.
Гэтую прапанову, агучыў палітолаг Дзмітрый Балкунец, яе ўжо прадставілі частцы актывістаў і дыпламатаў.
У склад часовага Нацсавета, які будзе арганізоўваць выбары ў пастаянны Нацсавет, уваходзяць 17 чалавек. Гэта:
- Дзмітрый Балкунец.
- Вераніка Цапкала.
- Вольга Карач.
- Анатоль Котаў.
- Яўген Вільскі.
- Валерыя Валодзіна.
- Вадзім Дзмітранок.
- Вячаслаў Япішка.
- Вольга Катовіч.
- Міхаіл Кучараў.
- Антон Малкін.
- Таццяна Сівачэнка.
- Аляксей Францкевіч.
- Руслан Хазін.
- Вера Хортан.
- Любоў Шабаршына.
- Віталь Дзядзюк.
У Нацыянальны савет Цапкала і Карач увайшлі 17 чалавек. Хто гэтыя людзі?
-
«Я за тое, каб мы яшчэ паспрабавалі. Я, прынамсі, яшчэ не спрабаваў…» Ціханоўскі паставіў сабе дэдлайн для вынікаў у барацьбе з рэжымам
-
Як пасля 2020 года склаўся лёс маладой пракуроркі Валерыі Таратынка?
-
«Ужо тры гады я не размаўляю з мамай па ейнай ініцыятыве». Яна Латушка — пра палітыку, сям’ю і будучыню Беларусі
Каментары