Stała viadoma, jakija vybary źbirajecca pravodzić Nacsaviet z Capkała i Karač
Palityki na čale ź Vieranikaj Capkała, Volhaj Karač i Dźmitryjem Bałkuncom źbirajucca pravieści vybary ŭ alternatyŭny parłamient. Jany prosiać AAN, ABSIE, Saviet Jeŭropy, Jeŭrapiejski parłamient akazać im dapamohu ŭ praviadzieńni vybaraŭ i dasłać mižnarodnych naziralnikaŭ. Voś jak budzie vyhladać hety Nacsaviet (ciapier dziejničaje časovy skład).
Pa zadumie, Nacyjanalny saviet Respubliki Biełaruś budzie abiracca na 2 hady, u skład uvojduć 45 čałaviek. U im budzie niekalki kamitetaŭ — pa raźvićci hramadzianskaj supolnaści i kanstytucyjnaj reformie, pa nacyjanalnaj biaśpiecy, pa ekanomicy i finansach, pa mižnarodnych spravach, pa pravach čałavieka, vyzvaleńni i reabilitacyi palityčnych źniavolenych i inšyja.
Jak raskazvajuć aŭtary idei, takaja alterantyva parłamientu budzie dziejničać u čas da źmieny režymu i ŭ tranzitny pieryjad.
Jak mienavita buduć pravodzicca vybary ŭ Nacsaviet, pakul nie jasna.
Hetuju prapanovu, ahučyŭ palitołah Dźmitryj Bałkuniec, jaje ŭžo pradstavili častcy aktyvistaŭ i dypłamataŭ.
U skład časovaha Nacsavieta, jaki budzie arhanizoŭvać vybary ŭ pastajanny Nacsaviet, uvachodziać 17 čałaviek. Heta:
- Dźmitryj Bałkuniec.
- Vieranika Capkała.
- Volha Karač.
- Anatol Kotaŭ.
- Jaŭhien Vilski.
- Valeryja Vałodzina.
- Vadzim Dźmitranok.
- Viačasłaŭ Japiška.
- Volha Katovič.
- Michaił Kučaraŭ.
- Anton Małkin.
- Taćciana Sivačenka.
- Alaksiej Franckievič.
- Rusłan Chazin.
- Viera Chortan.
- Luboŭ Šabaršyna.
- Vital Dziadziuk.
U Nacyjanalny saviet Capkała i Karač uvajšli 17 čałaviek. Chto hetyja ludzi?
Čamu YouTube vydaliŭ kanały BiełTA, STB i ANT? Voś što viadoma11
Kamientary