Эксперт патлумачыў, чаму Расія цяпер не страляе па Украіне з Беларусі
Ваенны эксперт Алег Жданаў у інтэрвʼю «РБК-Украіна» патлумачыў, чаму РФ звяла да мінімуму абстрэлы Украіны з Беларусі.
«Калібры» (крылатыя ракеты. — Рэд.) сухапутнага базавання для комплексаў «Іскандэр» у расіян скончыліся. Далёкасць «Калібраў» — 1,5 тысячы кіламетраў. Вось яны дабівалі на ўсю тэрыторыю Украіны.
«Іскандэр» звычайнай балістычнай ракетай можа рабіць пускі на адлегласць да 500 кіламетраў. Таму з Беларусі яны ўжо фактычна нікуды (да зоны баявых дзеянняў. — Рэд.) не дастаюць. Наколькі я ведаю, літаральна гэтымі днямі быў пуск ракеты з тэрыторыі Беларусі. Відаць, нейкае іскандэраўскае падраздзяленне яны там пакінулі.
Паколькі ўсе войскі Расіі цяпер сканцэнтраваныя на ўсходзе, то ўсе астатнія ракетныя брыгады яны перакінулі ў Белгарадскую і Растоўскую вобласці. Цяпер з тэрыторый, якія прылягаюць да Украіны, яны абстрэльваюць на тую далёкасць, на якую дастаюць.
«Калібры» засталіся на Чарнаморскім флоце, таму на яго яны перакінулі нагрузку па запусках ракет. Затым яны падключылі падводныя лодкі, каб павялічыць колькасць запускаў.
А цяпер да бамбардзіроўкі Украіны расіяне падключылі яшчэ стратэгічную авіяцыю. Яна абстрэльвае Украіну ракетамі «паветра-зямля», не залятаючы на яе тэрыторыю.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары