Ekśpiert patłumačyŭ, čamu Rasija ciapier nie stralaje pa Ukrainie ź Biełarusi
Vajenny ekśpiert Aleh Ždanaŭ u intervju «RBK-Ukraina» patłumačyŭ, čamu RF źviała da minimumu abstreły Ukrainy ź Biełarusi.
«Kalibry» (kryłatyja rakiety. — Red.) suchaputnaha bazavańnia dla kompleksaŭ «Iskander» u rasijan skončylisia. Dalokaść «Kalibraŭ» — 1,5 tysiačy kiłamietraŭ. Voś jany dabivali na ŭsiu terytoryju Ukrainy.
«Iskander» zvyčajnaj balistyčnaj rakietaj moža rabić puski na adlehłaść da 500 kiłamietraŭ. Tamu ź Biełarusi jany ŭžo faktyčna nikudy (da zony bajavych dziejańniaŭ. — Red.) nie dastajuć. Nakolki ja viedaju, litaralna hetymi dniami byŭ pusk rakiety z terytoryi Biełarusi. Vidać, niejkaje iskanderaŭskaje padraździaleńnie jany tam pakinuli.
Pakolki ŭsie vojski Rasii ciapier skancentravanyja na ŭschodzie, to ŭsie astatnija rakietnyja bryhady jany pierakinuli ŭ Biełharadskuju i Rastoŭskuju vobłaści. Ciapier z terytoryj, jakija prylahajuć da Ukrainy, jany abstrelvajuć na tuju dalokaść, na jakuju dastajuć.
«Kalibry» zastalisia na Čarnamorskim fłocie, tamu na jaho jany pierakinuli nahruzku pa zapuskach rakiet. Zatym jany padklučyli padvodnyja łodki, kab pavialičyć kolkaść zapuskaŭ.
A ciapier da bambardziroŭki Ukrainy rasijanie padklučyli jašče stratehičnuju avijacyju. Jana abstrelvaje Ukrainu rakietami «pavietra-ziamla», nie zalatajučy na jaje terytoryju.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ56
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary