Грамадства

Палітзняволены Яўген Рубашка пра затрыманне: У пэўны момант я стаў задыхацца

Палітзняволены анархіст Яўген Рубашка даў інтэрв’ю з СІЗА, у якім распавёў пра катаванні, якія прымяняліся да яго падчас затрымання, а таксама пра цяперашнія ўмовы ў следчым ізалятары.

Ён дакладна апісаў, што яго білі рукамі ў пальчатках па корпусе, нагах і галаве, пасля адмовы сказаць пароль ад смартфона — больш інтэнсіўна, паведамляе «Вясна».

«Я патроху пачаў адключацца. Яны гэта заўважылі, перавярнулі на спіну. Адзін адкрыў мне рот, уставіў нейкі прадмет накшталт алоўка і сціснуў мне нос, а другі пачаў заліваць мне ў горла моцнаалкагольную вадкасць, меркавана — гарэлку. 

У пэўны момант я не змог больш стрымліваць паветра, стаў задыхацца і таму глытаць паветра разам з гарэлкай. Потым па неабачлівасці аслабілі нос, і я прымудраўся больш дыхаць ім. Зноў перавярнулі на жывот. Станавіліся нагой на спіну. 

Затым адзін з быкоў сказаў, што «зае…ся со мной возиться, как с Дедком» (маецца на ўвазе палітзняволены анархіст Мікалай Дзядок, да якога пры затрыманні таксама прымяняліся катаванні). І пачаў наносіць мне моцныя хуткія ўдары ў знешні бок левага сцягна, у адно і тое ж месца. Пасля 10-15 удараў я сказаў, што паведамлю пароль».

Таксама Яўген распавёў, што судмедэкспертыза была праведзеная амаль праз паўтара месяца. Але нават тады былі зафіксаваныя «сляды на запясцях і шчыкалатках ад наручнікаў, гематомы у вобласці левага сцягна, левага калена, галенастопаў, 5-6 рэбраў, па левай ніжняй ключыннай лініі».

Апісваючы цяперашнія ўмовы ў СІЗА, Яўген адзначае, што «Валадарцы далёка да канцлагера Акрэсціна». Ён шмат чытае і нават застаецца «з нацяжкай вегетарыянцам». Аднак ён кажа, што ў СІЗА існуюць пэўныя праблемы з медыцынскай дапамогай. Рубашка таксама згадаў, што палітзняволенага Арцёма Салаўя прымусілі напісаць яўку з павіннай, пагражаючы сэксуальным гвалтам.

Нагадаем, на мінулым тыдні Яўгена Рубашку асудзілі да пяці гадоў пазбаўлення волі. Пасяджэнне было закрытым, таму пра суд амаль нічога не вядома. 

Падтрымаць палітвязня паштоўкамі, тэлеграмамі, пасылкамі і грашовымі пераводамі можна па адрасе: СІЗА-1. 220030, г. Мінск, вул. Валадарскага, 2, Яўгену Аляксандравічу Рубашку.

Каментары

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Усе навіны →
Усе навіны

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары28

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

Апеляцыйны суд у ЗША стаў на бок Трампа ў пытанні тарыфаў

«400 зорак у п***у». Махляры надурылі школьнікаў, прадаючы ім няправільныя адказы да ЦТ і ЦЭ4

больш чытаных навін
больш лайканых навін

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы9

Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы

Галоўнае
Усе навіны →

Заўвага:

 

 

 

 

Закрыць Паведаміць