Грамадства

Даведаліся, што зараз з топавай візажысткай Вольгай Томінай, якую затрымалі

Штодзень робіць зарадку, 200 прысяданняў і 200 прэсу, малюе ўсім у камеры стрэлкі і вусны — даведаліся, што зараз з топавай візажысткай Вольгай Томінай і ў чым яе абвінавачваюць.

Вольга Томіна. Фота: асабісты архіў

Вольгу Томіну затрымалі 9 сакавіка. Неўзабаве на тэлеграм-канале сілавікоў з’явілася відэа з яе допытам, а ў яе інстаграме з больш чым 500 тысячамі падпісантаў — пост, дзе было напісана: «Чысціце стужку, паважаныя. Аказалася, гэта не гульня. Інста — зло».

Жанчына стала падазраванай у межах «народнага» 342-га артыкула КК (арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх) і пасля Акрэсціна апынулася ў СІЗА на Валадарцы, дзе знаходзіцца і па сёння.

У відэа на тэлеграм-канале, што звязаны з беларускімі сілавікамі, жанчына пракаментавала, што хадзіла на мітынгі дзеля праўды, бо ёй было крыўдна, што збіваюць людзей. 

«Нашай Ніве» распавялі, што затрымлівалі Вольгу груба, але не больш за тое: «Прыйшлі раніцай з панятымі, правялі ператрус».

На Акрэсціна дзяўчына адчувала сябе дрэнна і фізічна, і эмацыйна.

«Першы дзень у ІЧУ трэсла. Не магла сабрацца з думкамі. У СІЗА ўсё намнога прасцей, як бы гэта ні гучала. У мяне ёсць свой «ложак» на другім паверсе, кнігі, грабянец і нават… крэм! Жартую, што ў параўнанні з ІЧУ тут столькі ўсяго, што гэта месца падаецца санаторыем», — піша жанчына ў лістах.

«На Валадарцы ёй лепш, адчувае сябе добра, бадзёра і духам не падае. І па традыцыі дорыць свой пазітыў і цеплыню сукамерніцам. Воля яна такая, яе немагчыма не любіць», — кажуць знаёмыя.

Вольга прызнана палітвязнем.

У лісце Вольга таксама напісала, што яна малюе сукамерніцам стрэлкі і вусны, жартуе пры любой магчымасці і штодзень робіць зарадку. «У сярэднім за дзень выходзіць 200 прэсу і каля 150-200 прысяданняў».

У Вольгі трое дзяцей — дочкам 13 год, сыну — 11. Яны ведаюць, што маці ў турме, але як і сваякі, і адвакат, пакуль не прагназуюць, калі і чым гэта гісторыя скончыцца.

Вольга Томіна — вядомая візажыстка і стылістка, б’юці-блогерка і бізнэс-ледзі, заснавальніца студыі і школы макіяжу ANATOMIA. Яе майстар-класы праходзілі па ўсім свеце. Да таго як стаць візажыстам, скончыла эканамічны факультэт і вывучылася на графічнага дызайнера.

Адна з прац Вольгі

Адрас для лістоў: Вользе Аляксандраўне Томінай, СІЗА №1, вул. Валадарскага, 2, г. Мінск, 220030

Чытайце яшчэ:

«Наша Ніва» аднаўляе збор данатаў — падтрымаць проста

Каментары

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць