Дыпламатычныя прадстаўніцтвы еўрапейскіх краін у Беларусі заклікаюць беларускія ўлады вызваліць Уладзіміра Мацкевіча.
«Філосаф і грамадскі дзеяч Уладзімір Мацкевіч галадае ў знак пратэсту супраць незаконнага затрымання па абвінавачванні ў «падрыхтоўцы дзеянняў, якія груба парушаюць грамадскі парадак». Асноўныя свабоды павінны быць забяспечаныя. Вызваліце Уладзіміра!» — гаворыцца ў заяве.
Прадстаўніцтвы еўрапейскіх краін нагадваюць, што ў Беларусі 1061 чалавек прызнаны палітвязнем, і заклікаюць вызваліць усіх, хто быў несправядліва пазбаўлены волі.
«Гісторыя кожнага зняволенага — красамоўнае сведчанне крызіснай сітуацыі з правамі чалавека ў Беларусі», — заяўляюць паслы.
Уладзімір Мацкевіч галадае ў СІЗА 13-ы дзень. 15 лютага ён адмовіўся прымаць ваду і перайшоў да сухой галадоўкі.
Філосаф, якога затрымалі 4 жніўня, патрабуе змяніць яму меру стрымання, завяршыць следчыя дзеянні і перадаць справу ў суд, прызначыць дату судовага разбору. Мацкевіча затрымалі ў жніўні 2021 года. Яму прад'яўленыя абвінавачванні ў арганізацыі і падрыхтоўцы дзеянняў, якія груба парушаюць грамадскі парадак (арт. 342).
Чытайце таксама:
Пагоршыўся стан Уладзіміра Мацкевіча, які галадае 12-ты дзень. Яго блізкія: Усе яго патрабаванні законныя і выканальныя
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
-
«Пазнаёмілася з турэцкім вайскоўцам праз інтэрнэт. Праз месяц разам сядзелі над асманска-беларускім слоўнікам Сокалава-Воюша»
-
«Сделано в Белоруссии». Сацсеткі ўзбудзіліся ад сыру загадкавага паходжання
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім31
Каментары