Dypłamatyčnyja pradstaŭnictvy jeŭrapiejskich krain u Biełarusi zaklikajuć biełaruskija ŭłady vyzvalić Uładzimira Mackieviča.
«Fiłosaf i hramadski dziejač Uładzimir Mackievič haładaje ŭ znak pratestu suprać niezakonnaha zatrymańnia pa abvinavačvańni ŭ «padrychtoŭcy dziejańniaŭ, jakija hruba parušajuć hramadski paradak». Asnoŭnyja svabody pavinny być zabiaśpiečanyja. Vyzvalicie Uładzimira!» — havorycca ŭ zajavie.
Pradstaŭnictvy jeŭrapiejskich krain nahadvajuć, što ŭ Biełarusi 1061 čałaviek pryznany palitviaźniem, i zaklikajuć vyzvalić usich, chto byŭ niespraviadliva pazbaŭleny voli.
«Historyja kožnaha źniavolenaha — krasamoŭnaje śviedčańnie kryzisnaj situacyi z pravami čałavieka ŭ Biełarusi», — zajaŭlajuć pasły.
Uładzimir Mackievič haładaje ŭ SIZA 13-y dzień. 15 lutaha jon admoviŭsia prymać vadu i pierajšoŭ da suchoj haładoŭki.
Fiłosaf, jakoha zatrymali 4 žniŭnia, patrabuje źmianić jamu mieru strymańnia, zaviaršyć śledčyja dziejańni i pieradać spravu ŭ sud, pryznačyć datu sudovaha razboru. Mackieviča zatrymali ŭ žniŭni 2021 hoda. Jamu pradjaŭlenyja abvinavačvańni ŭ arhanizacyi i padrychtoŭcy dziejańniaŭ, jakija hruba parušajuć hramadski paradak (art. 342).
Čytajcie taksama:
Pahoršyŭsia stan Uładzimira Mackieviča, jaki haładaje 12-ty dzień. Jaho blizkija: Usie jaho patrabavańni zakonnyja i vykanalnyja
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary