Сёння брэсцкая пенсіянерка Алена Гнаўк мусіла вызваліцца з Пружанскага ІЧУ пасля 15 сутак арышту. Але жанчына так і не выйшла. Следчыя патэлефанавалі сваякам і паведамілі, што на яе заведзеныя новыя крымінальныя справы.
На падставе адной з заведзеных спраў пенсіянерка застанецца ў ІЧУ яшчэ на тры дні, а што будзе далей, пакуль ніхто не ведае.
Крымінальныя справы на Гнаўк заведзеныя па частцы 2 артыкула 367 («паклёп на прэзідэнта РБ») і артыкулу 369 («абраза прадстаўніка ўлады»).
На пачатку мая мінулага года Гнаўк асудзілі да двух гадоў «хатняй хіміі» па «справе карагодаў», а ў верасні пакаралі яшчэ двума гадамі «хатняй хіміі» за абразу Лукашэнкі. Сумарна, такім чынам брэсцкай актывістцы прысудзілі тры гады абмежавання волі без накіравання ў папраўчую ўстанову.
Але і пасля таго яна неаднаразова затрымлівалася і падвяргалася розным дадатковым пакаранням. Гэтым разам яе пасадзілі на 15 сутак за парушэнне рэжыму «хатняй хіміі».
Чытайце таксама:
Алена Гнаўк трымае галадоўку. Дзеці: У Пружанскім ІЧУ яе катуюць
Зноў затрымалі і асудзілі пенсіянерку Алену Гнаўк
У Пружанах затрымалі Алену Гнаўк. Прычынай стаў «бчб-пікет» каля ўласнага дома
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары