На Еўрабачанне-2022 ад Украіны можа паехаць беларускі спявак
Выканаўца з Брэста Майкл Соўл трапіў у топ-10 фіналістаў нацыянальнага адбору нашай паўднёвай суседкі. Ён будзе выступаць там з песняй «Demons».
Выканаўца сам паведаміў пра гэта ў Фэйсбуку па-ўкраінску і па-англійску:
«Сябры, ужо 12 лютага на сцэне нацадбору вы зможаце пабачыць і пачуць мой выступ, а таксама падтрымаць сваімі галасамі. Важны кожны! Не прапусціце гэтае неймавернае шоў, і, натуральна, не забывайцеся загружаць Demons на ўсіх лічбавых пляцоўках».
Майкл Соул — фіналіст беларускага адбору на «Еўрабачанне» ў 2016 і 2019 гадах. Таксама ён быў бэк-вакалістам гурта NaviBand на «Еўрабачанні-2017» у Кіеве.
Хто ў выніку прадставіць Украіну на міжнародным конкурсе, стане вядома 12 лютага.
У гэтым прэстыжным песенным конкурсе ў 2022 годзе возьмуць удзел выканаўцы з 41 краіны свету. Беларусі сярод іх не будзе.
Нагадаем, летась Беларусь не трапіла на Еўрабачанне. БТ вырашыла накіраваць на конкурс гурт «Галасы ЗМеста» з песняй «Я научу тебя». У песні быў палітычны змест, што супярэчыць правілам конкурсу. БТ выключылі з Еўрапейскага вяшчальнага саюза.
Чытайце таксама:
«Я ледзь не памёр, але назаўсёды запомніў, што такое «бэз». Спявак Майкл Соул расказаў, як вучыў беларускую мову на трэнажорах
Цяпер чытаюць
Лукашэнка сваім указам абмежаваў хуткасць электрасамакатаў на тратуарах да 10 км/г2
Каментары