Расійскія прыставы па запыце беларускага боку спаганяюць з Анжалікі Агурбаш больш за $80 тысячаў
Справа тычыцца 2018 года, калі Агурбаш заключыла з «Белкаапсаюзам» дамову аб продажы 49 адзінак футраў. Да чэрвеня 2020 года яна павінна была вярнуць тое, што не прадала, аднак не зрабіла гэтага.
Эканамічны суд горада Мінска ў чэрвені 2021 года пастанавіў, што Анжаліка Агурбаш павінна вярнуць кампаніі «Белкаапзнешгандаль Белкаапсаюза» 49 адзінак тавару, якія яна павінна была прадаць у Маскве.
«Белкаапсаюз» спачатку спрабаваў вырашыць пытанне з Агурбаш у дасудовым парадку, аднак калі гэта не атрымалася, накіраваў справу ў суд. Іск быў задаволены. Агурбаш на працэсе не прысутнічала.
У выніку спачатку расійскія судовыя прыставы налічылі суму ў больш як 198 тысяч расійскіх рублёў (на той момант каля $2755). А цяпер вырашана спагнаць асноўны кошт нявернутага тавару. Паводле звестак Белкаапсаюза, Агурбаш так і не ўдалося прадаць футравыя вырабы, паведамляе Office Life.
Праблемы ў спявачкі пачаліся пасля таго, як яна падтрымала пратэсты 2020 года. У Беларусі на яе заведзеная крымінальная справа за абразу Лукашэнкі і «распальванне варожасці». Яе абвясцілі ў вышук, былі допыты ў Расіі, аднак у РФ яе не затрымлівалі.
Як беларускія пратэсты змянілі лёсы акцёраў і спевакоў
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары