Свет

Гісторыя звычайнага цуду. Як Японія дабілася поспеху ў барацьбе з кавідам

Простыя метады барацьбы прывялі да ўражальных вынікаў.

Фота depositphotos.com.

Калі ў жніўні заканчвалася Такійская алімпіяда, эпідэмія кавіду ў Японіі дасягала катастрафічнага размаху. Толькі 13 жніўня ў сталіцы краіны зарэгістравалі рэкордныя 5773 новыя выпадкі хваробы, па ўсёй краіне ў той дзень зафіксавалі больш за 25 тысяч новых заражэнняў. Сумнай статыстыкай японцы шмат у чым былі абавязаныя штаму «дэльта», які перадаецца нашмат лягчэй за іншыя варыянты кавіду.

Шпіталі краіны працавалі ва ўмовах беспрэцэдэнтнай нагрузкі, піша Guardian.

Тысячы японцаў з станоўчым тэстам на кавід не маглі быць шпіталізаваныя праз недахоп месцаў і былі вымушаныя заставацца дома, а ў некаторых выпадках і паміраць дома. 

Прэм’ер краіны Ёсіхідэ Суга быў вымушаны на фоне стала нізкіх рэйтынгаў сысці ў адстаўку.

Раней, каб толькі правесці Такійскую алімпіяду, ён ігнараваў заўвагі свайго галоўнага дарадцы па ахове здароўя наконт сітуацыі з кавідам.

Фота depositphotos.com.

Але ў наступныя два месяцы пасля закрыцця Гульняў здарылася нешта незвычайнае.

Два тыдні таму ў Японіі канчаткова адмянілі афіцыйныя меры перасцярогі супраць кавіду. 

Зараз у Японіі колькасць заражэнняў дасягнула самага нізкага ўзроўню больш чым за год, і гэта дае падставы спадзявацца, што дрэнны перыяд для японскай эканомікі ўжо скончаны.

11 кастрычніка ў Токіа зафіксавалі 49 новых выпадкаў кавіду — самая нізкая лічба з чэрвеня мінулага года. Па ўсёй краіне, у сваю чаргу, 11 кастрычніка зарэгістравалі 369 новых выпадкаў хваробы.

У чым сакрэт японцаў?

Эксперты лічаць, што за поспехам японцаў у барацьбе з кавідам стаяць некалькі фактараў, і адзін з іх — вакцынацыя.

У пачатку яна праходзіла на тэрыторыі Японіі не надта актыўна, але пазней ператварылася ў кампанію сапраўды ўражальных маштабаў. Пры гэтым кампанія па вакцынацыі ў Японіі амаль не суправаджалася супрацівам з боку мясцовага насельніцтва, нягледзячы на тое, што ў японцаў заўсёды было складанае стаўленне да прышчэпак.

Зараз амаль 70% з 126 мільёнаў японцаў прайшлі вакцынацыю супраць кавіду.

Урад краіны абяцае, што да лістапада вакцыну атрымаюць усе, хто гэтага жадае. Новы прэм’ер краіны Фуміо Кісіда сцвярджае, што ўжо ў снежні некаторыя японцы здолеюць атрымаць бустарную дозу вакцыны. Спачатку права на яе будуць мець медыкі і пажылыя людзі.

Фота depositphotos.com.

Яшчэ адна прычына японскага поспеху — шырока распаўсюджанае нашэнне масак, у тым ліку ў памяшканнях. Гэтая звычка з’явілася ў японцаў ужо даўно, яшчэ падчас сезонных эпідэмій грыпу ў дакавідную эпоху.

Зараз іншыя краіны, дзе таксама зніжаецца колькасць хворых, адмаўляюцца ад абавязковага нашэння масак у памяшканнях, але гэта не пра японцаў. Большасць з іх усё роўна носяць маскі.

Нягледзячы на аптымістычныя лічбы, эксперты папярэджваюць, што не варта лічыць, нібыта небяспека цалкам знікла. Па іх меркаванні, колькасць хворых у краіне можа пачаць зноў расці з набліжэннем зімы і ўсталяваннем больш халоднага надвор’я. У канцы года ў Японіі праходзіць сезон вечарынак бонэнкай, падчас якога людзі будуць масава збірацца ў барах і рэстаранах, дзе звычайна дрэнная вентыляцыя. Гэта таксама будзе спрыяць росту выпадкаў кавіду.

Зрабілі вакцыну і перажылі кавід? Віншуем: у вас гібрыдны імунітэт і вам не патрэбныя бустарныя вакцыны

Што эфектыўнейшае: «Спутнік» або кітайская вакцына?

Каментары

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране1

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране

Усе навіны →
Усе навіны

У Маладзечне 13-гадовая дзяўчынка закахалася ў 16-гадовага старшакласніка. Усё скончылася сумна14

Самалёт з Мінска ў Дубай экстранна сеў у Баку

Ізраільскія СМІ: ядзерны рэактар у іранскім Натанзе знішчаны дашчэнту12

Каму з беларускіх дзяцей нельга вучыцца за мяжой? Мінадукацыі пракаментавала нашумелы закон3

Прапагандыст Ігар Тур вырашыў перасяліцца бліжэй да Астрашыцкага Гарадка20

Ціханоўская пра кейс Мельнікавай: Сітуацыя страшная32

У Польшчы затрымалі афганца, які думаў, што ён у Парыжы. Так яму сказаў праваднік, што суправаджаў ад мяжы Беларусі3

Якія часы, такія і прэзенты: у беларускіх аптэках можна набыць падарункавыя сертыфікаты1

Ізраіль задзейнічаў для ўдараў па Іране 200 самалётаў2

больш чытаных навін
больш лайканых навін

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране1

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране

Галоўнае
Усе навіны →

Заўвага:

 

 

 

 

Закрыць Паведаміць