«За дзень я выпіваў тыднёвую дозу алкаголю». Прынц Гары распавёў пра самыя кашмарныя гады свайго жыцця — з 28 да 32 гадоў, — калі ён пачаў піць, каб заглушыць боль, які пераследаваў яго з-за смерці мамы, піша Бі-бі-сі.
Прынц Гары таксама прызнаўся, што быў гатовы прымаць наркотыкі, каб толькі перастаць адчуваць боль нават пасля больш чым дзесяці гадоў пасля смерці прынцэсы Дыяны.
Дыяна, Прынцэса Уэльская, загінула ў аўтакатастрофе, калі яе пераследавалі папарацы ў Парыжы ў жніўні 1997 года.
Пра свае псіхалагічныя праблемы, пастаянную трывогу і панічныя атакі прынц Гары падзяліўся з амерыканскай тэлевядучай Опрай Уінфры ў серыяле для Apple TV пад назвай «Я, якога вы не бачыце». У гэтым серыяле вядомыя людзі распавядаюць свае асабістыя гісторыі пра псіхічнае здароўе і перажыванні.
«Я быў проста не ў сабе. Кожны раз, калі я апранаў касцюм і завязваў гальштук, мне даводзілася прымушаць сябе граць ролю. Яшчэ да выхаду з дому я заліваўся потам. Я пастаянна жыў у рэжыме «бі або бяжы», — распавёў Гары.
«У пятніцу ці ў суботу я выпіваў столькі, колькі людзі п'юць тыдзень, не таму што мне гэта падабалася, а таму што я спрабаваў замаскіраваць боль», — прызнаецца Гары.
У 1997 годзе ўвесь свет глядзеў, як 12-гадовы Гары разам з братам, бацькам, дзядзькам і дзядулем ідзе за труной сваёй маці.
«З таго дня мне запомніўся толькі стук конскіх капытоў, якія цокалі па брукаванай алеі», — кажа Гары.
«Гэта было падобна на тое, што я пакінуў сваё цела і проста ішоў побач, як прывід. Напэўна, я паказваў дзясятую частку эмоцый, у адрозненне ад астатніх. Але для мяне, у адрозненне ад астатніх, гэта была мама — вы з ёй нават не сустракаліся», — успамінае Гары.
У падкасце, які Гары выпусціў на мінулым тыдні, ён заявіў, што поўны рашучасці разарваць заганны круг болю, які адчуваў у дзяцінстве і юнацтве, і зберагчы ўласных дзяцей ад памылак выхавання, якое ён сам атрымаў.
У апошнія гады прынц выступаў за больш адкрытае грамадскае абмеркаванне псіхалагічных праблем у грамадстве і пачаў больш адкрыта распавядаць пра свой уласны псіхалагічны стан. Ён таксама распавёў, што пачаў курс псіхатэрапіі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары