Найбуйнейшая ювелірная кампанія адмовіцца ад натуральных дыяментаў і пачне іх вырошчваць у лабараторыі
Найбольшы ў свеце вытворца ювелірных упрыгажэнняў Pandora паведаміў, што больш не будзе здабываць дыяменты, а пачне развіваць тэхналогію вырошчвання камянёў у лабараторных умовах.
Выканаўчы дырэктар дацкай ювелірнай кампаніі Pandora адзначае, што пераход да лабараторных дыяментаў з’яўляецца часткай праграмы ўстойлівага развіцця кампаніі, піша BBC. Вырашчаныя ў лабараторных умовах дыяменты не адрозніваюцца ад сапраўдных, але будуць значна таннейшымі.
Лабараторныя дыяменты Pandora ствараюцца ў Вялікабрытаніі, і яна стане першай краінай, дзе іх пачнуць прадаваць. Кошт вырабаў — ад 350 даляраў.
У 2020 годзе сусветная вытворчасць лабараторных дыяментаў дасягнула 6-7 мільёнаў карат. У той жа час здабыча натуральных камянёў знізілася да 111 мільёнаў карат у параўнанні з 152 мільёнамі ў 2017 годзе.
Традыцыйная здабыча алмазаў крытыкуецца за парушэнне правоў чалавека ў Афрыцы. Асноўную колькасць каштоўных камянёў даюць усяго 5 краін: Расія, Аўстралія, Батсвана, Рэспубліка Конга і ПАР.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»24
Каментары