Здарэнне адбылося ў вёсцы Сідаровічы вечарам у сераду. Там загарэлася хата.
У момант загарання ў ёй знаходзіліся двое дзяцей: 12-гадовы і 2-гадовы хлопчыкі. Яшчэ адно дзіця было ў суседзяў, а бацькоў дома не было, паведамляе 112.by.
Да прыбыцця ратавальнікаў 12-гадовы падлетак выратаваў брата. Адзін з відавочцаў, падбегшы да дома, убачыў, як хлопчык трымаў на руках дзіцё.
На твары і руках у старэйшага, акрамя апёкаў, былі парэзы, а вокны ў доме былі разбітыя. Відавочца забраў з рук хлопчыка ягонага брата, пасля чаго той страціў прытомнасць.
Брыгада хуткай дапамогі даставіла падлетка з апёкамі рознай ступені цяжкасці і парэзамі рук і твару ў бальніцу. Стан вельмі цяжкі.
Пажар ліквідавалі ратавальнікі. У выніку агнём знішчаны дах, маёмасць, пашкоджаны сцены.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары