А яшчэ Румас прымальны і для лібералаў, і для сацыялістаў, і для нацыянал-дэмакратаў — чалавек з сувязямі і з добрай рэпутацыяй, піша Анатоль Сідарэвіч.
«Калі Віктар Бабарыка заявіў пра свае прэзідэнцкія амбіцыі, я напісаў прыблізна такое: быць не можа, каб за Бабарыкам не стаялі нашы фінансісты, — піша публіцыст Анатоль Сідарэвіч.
— У мяне, пінскага палешука, паважлівае стаўленне да нашых фінансістаў не толькі таму, што не адзін з іх скончыў Пінскі ўлікова-крэдытны тэхнікум, але і таму, што многія з іх сапраўды граматныя людзі, — адзначае ён. — Я не магу не ставіцца з павагай да настаўніка многіх нашых фінансістаў Станіслава Багданкевіча.
Калі Васіля Мацюшэўскага прызначылі віцэ-прэм’ерам, мне было шкада яго: каб разгарнуцца, каб плённа працаваць, яму трэба займаць такую пасаду не пры гэтым рэжыме. Я ведаў, што доўга ў крэсле прэм’ера не пабудзе Сяргей Румас, бо ён надта разумны для такое пасады пры гэтым рэжыме.
Дык вось, напісаў я, што за Бабарыкам, імаверна, стаяць фінансісты, а назаўтра з’явіўся ўказ пра вызваленне фінансіста ад пасады прэм’ер-міністра», — працягвае Сідарэвіч.
Ëн мяркуе, што з «кампетэнтных органаў» да вушэй былога прэм’ера дайшла інфармацыя, што пад яго капаюць. І ён апынуўся ў Лондане.
«У гаспадара Палаца Незалежнасці з’явілася новая, і не абы-якая, праблема — праблема Румаса, носьбіта не адной таямніцы, знаўцы сапраўднага стану эканомікі і фінансаў Беларусі, кланавых сувязяў, чорных спраў, а галоўнае — чалавека з сувязямі і з добрай рэпутацыяй. Такі чалавек — магчымы правадыр апазіцыі. Ён прымальны і для лібералаў, і для сацыялістаў, і, думаю, для нацыянал-дэмакратаў, — мяркуе Анатоль Сідарэвіч.
— Пасля выезду ў Вялікабрытанію чалавека, які быў другой асобай у Беларусі,
ход падзей у Беларусі можа набыць новыя нюансы. Падкрэсліваю: можа», — піша публіцыст.
Ëн нагадвае, што ў Беларусі застаюцца жонка і меншыя дзеці Сяргея Румаса. Але выкарыстанне іх для ціску «тоіць у сабе небяспеку для самой улады», — мяркуе Сідарэвіч.
-
«Вы ведаеце, што большасць беларусаў лічаць вас нікчэмнымі халуямі?»
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары