Здарэнні88

«Чулі, як крычала: «Ратуйце! Забіваюць!» Што вядома пра жанчыну, чые парэшткі знайшлі ў Свіслачы

Апошні раз суседзі бачылі 37-гадовую Юлію ў пачатку снежня. Калі жанчына перастала выходзіць з кватэры, трывогу не забілі: мінчанка часта ладзіла шумныя вечарынкі, таму вырашылі, што яна недзе адзначае святы, піша Tut.by.

— Так, гэта кватэра, дзе ўсё адбылося, — кажуць жыхары дома па вуліцы Раманаўская Слабада ў Мінску.

Жалезныя дзверы апячатаныя, на падлозе валяюцца пальчаткі эксперта, мяркуючы па вонкавым выглядзе дзвярэй, перш чым патрапіць унутр, іх давялося выбіць. Як распавядаюць суседзі Юліі, учора раніцай спачатку прыехала міліцыя, цікавілася, як даўно бачылі жанчыну з трэцяга паверха. Аказалася, у пачатку снежня. Пасля таго, як у кватэру патрапілі праз акно ратавальнікі, і выявілі там цела, сталі выбіваць дзверы.

Нагадаем, падчас ачышчальных работ 2 студзеня камунальнікі дасталі з Свіслачы спартыўную сумку з канцавінамі чалавека. Пазней праваахоўнікі паведамілі, што гэта парэшткі жанчыны. Міліцыя апублікавала фота знойдзенай у Свіслачы сумкі і прасіла дапамогі ў відавочцаў ў пошуку яе гаспадара. 5 студзеня асобу загінулай высветлілі. «У ходзе аператыўна-вышуковых мерапрыемстваў у кватэры аднаго з дамоў, размешчаных на вул. Раманаўская Слабада, супрацоўнікамі органаў унутраных спраў выяўлена цела 37-гадовай жанчыны, астанкі якой раней былі знойдзены ў рацэ Свіслач», — паведамілі ў СК.

— Самае страшнае: жывеш побач і нават не ведаеш, што там за дзвярыма. Ніякага паху на пляцоўцы не было, — кажуць суседзі. Яны гатовыя размаўляць але пры ўмове, што іх імёны не будуць фігураваць у СМІ.

— Следчая група з'ехала а гадзіне ночы, а мы ўсю ноч не спалі, вось. Хтосьці вырашыў з'ехаць на дачу, каб не заставацца дома, — дадаюць жыхары дома, які размешчаны ў гістарычным цэнтры горада.

Знойдзеныя парэшткі жанчыны ў Свіслачы яны ніяк не звязвалі са сваёй 37-гадовай суседкай. Калі Юлія пераехала жыць у трохпакаёвую кватэру па Раманаўскай Слабадзе, нашы суразмоўцы дакладна сказаць не могуць, «дзесьці два-чатыры гады таму». Дзяцей у яе не было, з жанчынай бачылі то аднаго мужчыну, то іншага.

— Пастаянныя гулянкі, бойкі, шум, гучная музыка. На гэтую кватэру не раз выклікалі міліцыю, — адзначаюць суседзі. — Калі прыгледзецца, на дыванку ў суседзяў і лесвіцы засталіся кроплі крыві, яны пасля чарговых вечарынак у Юліі.

Ці працавала жанчына, ніхто не ведае, адзін час кватэра, у якой яна жыла, здавалася як люксавыя апартаменты за 5 тысяч рублёў у месяц. Але хто іх здаваў, жыхары не ведаюць. У агенцтве сказалі, што больш жыллё не здаецца.

realt.by

— Улетку Юлія жыла з адным мужчынам, восенню ў яе з'явіўся іншы, Аляксандр. Неяк яна выбегла на пляцоўку, рукі былі ў крыві, — працягваюць суседзі. — 1 снежня ў кватэры зноў шум, крыкі: «Ратуйце! Забіваюць!». Мы выклікалі міліцыю, прыехала за лічаныя хвіліны. Пасля гэтага Юля перастала пускаць у кватэру свайго сужыцеля Аляксандра, але ён усё роўна пастаянна быў у пад'ездзе. 3 снежня яго, п'янага, забрала міліцыя.

Суседзі апісваюць Аляксандра як маладога чалавека да 30 ўсходняга выгляду.

Апошні раз Юлію суседзі бачылі ў пачатку снежня, з таго ж часу ў яе кватэры спыніліся вечарынкі. Кажуць, учора ў дом па вуліцы Раманаўскай Слабадзе прыязджаў брат забітай жанчыны, па непацверджанай інфармацыі, менавіта ён забіў трывогу.

Як паведаміла МУС, ноччу 6 студзеня супрацоўнікі ўпраўлення крымінальнага вышуку ГУУС Мінгарвыканкама пры сілавой падтрымцы байцоў спецпадраздзялення «Алмаз» у Віцебску затрымалі 26-гадовага замежніка, які падазраецца ў забойстве жанчыны, астанкі канцавінаў якой выяўленыя ў рацэ Свіслач 2 студзеня 2020 года. Паводле яго слоў, 28 снежня 2019 г. паміж ім і загінулай адбыўся канфлікт, у выніку якога мужчына задушыў 37-гадовую гаспадыню кватэры.

Каментары8

Цяпер чытаюць

У Мадрыдзе расстралялі былога дарадцу Януковіча9

У Мадрыдзе расстралялі былога дарадцу Януковіча

Усе навіны →
Усе навіны

Гродзенскія чыноўнікі ўпрыгожылі цэнтральную вуліцу пластыкавымі кветкамі, хоць спачатку абяцалі жывыя

У Лідскім раёне мужчына жыўцом спаліў свайго знаёмага

У Смалявіцкім раёне жыхары працягваюць змагацца супраць сажалкі для адкідаў з Мінска3

Адзіная гміна ў Польшчы, дзе перамог Мэнцэн, заселеная беларусамі. Але галасавалі не яны22

Стрыечнага брата беларускага коміка Ідрака Мірзалізадэ прысудзілі ў Азербайджане да 18 гадоў зняволення1

«Моладзь больш душэўная і добрая за нас». У Наваполацку дзеці самаарганізаваліся, каб дапамагчы мужчыну, які ўпаў, падняцца4

Лукашэнка пахваліўся, што яму на дзень нараджэння падарылі ўсюдыход24

Лукашэнку прапанавалі здабываць рэдказямельныя элементы з прамысловых адкідаў6

У беларускіх крамах з'явіўся прадукт «Дубай». Падобны да марозіва, але не зусім яно15

больш чытаных навін
больш лайканых навін

У Мадрыдзе расстралялі былога дарадцу Януковіча9

У Мадрыдзе расстралялі былога дарадцу Януковіча

Галоўнае
Усе навіны →

Заўвага:

 

 

 

 

Закрыць Паведаміць