«Кар’ера доктара Рауса» ў РТБД: хто ён, чалавек, які нарадзіўся не ў сваю эпоху?
Нагадваем, што РТБД хутка распачне новы сезон, таму лавіце чарговую падказку, які спектакль варта наведаць гэтай восенню.
16 верасня і 2 кастрычніка (так, яшчэ не хутка, але пасля квіткоў не будзе) у тэатры пакажуць гістарычна недакладную трагікамедыю — «Кар’еру доктара Рауса». Рэжысёр-пастаноўшчык — мастацкі кіраўнік РТБД Аляксандр Гарцуеў. Па п’есе Віктара Марціновіча.
Людзi, якiя нарадзiлiся раней сваёй эпохi. Што мы ведаем пра iх? Сухія гістарычныя факты, даты і лічбы, партрэты ў падручніках. Ведаем iх дасягненні, якія сёння для нас натуральныя і незаўважныя. Але мы наўрад ці задумваемся пра тое, як такія людзі жылі, што адчувалі, як да іх ставіліся навакольныя i чаго iм каштавала апантанасць сваімі ідэямі, якая змяняла жыццё ўсяго чалавецтва. Кар'ера доктара Рауса — гісторыя чалавека, якi нарадзiўся значна раней сваёй эпохi. І імя яго — Францыск Скарына.
Віктар Марціновіч і Аляксандар Гарцуеў расказалі поўную прыгод гісторую пра «канкрэтнага мажора, які вучыўся не ў Полацку, а за мяжой». А каб гледачу было цікавей, дадалі ў рэаліі XVI стагоддзя сучасных фарбаў: тут Скарыну суправаджаюць лазерная ўказка, мабільны тэлефон і нават шклянкі для гарбаты ў цягніках.
«Кар’ера доктара Рауса» — гэта, у першую чаргу, пра чалавека, а ўжо потым пра асветніка і першадрукара. Безумоўна, погляд суб’ектыўны, але ад гэтага не менш цікавы. А якім вы ўяўлялі Скарыну, калі чыталі пра яго кароткія звесткі ў падручніках па гісторыі і літаратуры?
Прыходзьце праверыць, ці супалі вашыя ўяўленні пра гэтага чалавека з аўтарамі пастаноўкі. Бліжэйшыя даты, калі гэта можна будзе зрабіць — 16 верасня (панядзелак) і 2 кастрычніка (серада).
Працягласць: 2 гадзіны 50 хвілін з антрактам.
Купіць квіток на «Кар’еру доктара Рауса»
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім13
Каментары