10 сакавіка ў Эфіопіі разбіўся Boeing 737 max 8, усе пасажыры і члены экіпажа загінулі — 157 чалавек. За апошнія паўгода гэта ўжо другая катастрофа з удзелам такога авіялайнера. Кітай на час разбіральніцтва прыпыніў палёты Boeing 737 max 8, піша Tut.by.
«Белавія» цяпер такія самалёты не выкарыстоўвае, але ў найбліжэйшы час авіяпарк «Белавія» папоўніцца чатырма новымі Boeing 737 max 8. Прыбыццё першага самалёта чакаецца ў маі 2019 года.
«Белавія» на дадзены момант праводзіць навучанне ў Сіэтле тэхнічнага і лётнага персаналу па эксплуатацыі Boeing 737-MAX.
— Паколькі расследаванне прычын авіякатастрофы авіякампаніі Lion Air не завершана, а пра прычыны інцыдэнту Ethiopian airline казаць заўчасна, авіякампанія «Белавія» будзе працаваць у штатным рэжыме, чакаючы вынікаў экспертызы і робячы ўсё, каб палёты праходзілі бяспечна, — паведамілі Tut.by ў авіякампаніі.
Каментары