Шматхадовачка: у Расіі хлопец забіў суперніка, а пасля ў яго адзенні і процігазе пабіў агульную каханку
Дэтэктыўная гісторыя адбылася ў расійскім Валгаградзе. Там было знойдзена цела 22-гадовага салдата-кантрактніка, забітага цаглінай.
Пры гэтым прапала яго адзенне і мабільнік. Як выявілася, прычынай трагедыі стала рэўнасць — у забойцы і забітага была адна каханка на дваіх.
Падазраваны — 27-гадовы хлопец і два суўдзельнікі. Яны падпільнавалі вайскоўца непадалёку ад трасы і забілі яго.
Пасля гэтага забойца забраў у салдата форму і тэлефон, з якога прызначыў спатканне агульнай каханцы.
«На спатканне зламыснік прыйшоў у абмундзіраванні пацярпелага, а, каб не было бачна твару, надзеў процігаз. Нічога не тлумачачы, ён накінуўся на маладую асобу з кулакамі, мяркуючы, што ў ім яна пазнае забітага», — тлумачаць мясцовыя следчыя.
Адразу пасля збіцця дзяўчына патэлефанавала меркаванаму забойцу-кантрактніку і стала скардзіцца на свайго ўжо былога каханага. Тады падазраваны пераапрануўся ў цывільную вопратку і прыйшоў суцешыць яе.
Распачата крымінальная справа аб забойстве.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары