Šmatchadovačka: u Rasii chłopiec zabiŭ supiernika, a paśla ŭ jaho adzieńni i procihazie pabiŭ ahulnuju kachanku
Detektyŭnaja historyja adbyłasia ŭ rasijskim Vałhahradzie. Tam było znojdziena cieła 22-hadovaha sałdata-kantraktnika, zabitaha cahlinaj.
Pry hetym prapała jaho adzieńnie i mabilnik. Jak vyjaviłasia, pryčynaj trahiedyi stała reŭnaść — u zabojcy i zabitaha była adna kachanka na dvaich.
Padazravany — 27-hadovy chłopiec i dva suŭdzielniki. Jany padpilnavali vajskoŭca niepadaloku ad trasy i zabili jaho.
Paśla hetaha zabojca zabraŭ u sałdata formu i telefon, ź jakoha pryznačyŭ spatkańnie ahulnaj kachancy.
«Na spatkańnie złamyśnik pryjšoŭ u abmundziravańni paciarpiełaha, a, kab nie było bačna tvaru, nadzieŭ procihaz. Ničoha nie tłumačačy, jon nakinuŭsia na maładuju asobu z kułakami, miarkujučy, što ŭ im jana paznaje zabitaha», — tłumačać miascovyja śledčyja.
Adrazu paśla źbićcia dziaŭčyna patelefanavała mierkavanamu zabojcu-kantraktniku i stała skardzicca na svajho ŭžo byłoha kachanaha. Tady padazravany pieraapranuŭsia ŭ cyvilnuju vopratku i pryjšoŭ suciešyć jaje.
Raspačata kryminalnaja sprava ab zabojstvie.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary