Злучаныя Штаты пацвердзілі, што будуць выконваць пагадненне аб перасяленні мігрантаў, заключанае з Аўстраліяй. Пра гэта заявіў віцэ-прэзідэнт ЗША Майкл Пенс ў Сіднэі на на сумеснай прэс-канферэнцыі з прэм'ер-міністрам Аўстраліі Малкальмам Тэрнбулам, паведамляе ВВС.
Па словах Пенса, захаванне дасягнутых дамоўленасцяў не азначае, што Вашынгтон «захапляецца» імі.
«Мы будзем выконваць гэтае пагадненне з павагі да нашага надзвычай важнага саюзніка», — растлумачыў ён, маючы на ўвазе Аўстралію.
У лютым прэзідэнт ЗША Дональд Трамп назваў дамову, заключаную пры яго папярэдніку Бараку Абаме, «дурной угодай».
«Вы можаце ў гэта паверыць? Адміністрацыя Абамы пагадзілася прыняць тысячы нелегальных мігрантаў з Аўстраліі. Навошта? Я буду разбірацца з гэтай дурной угодай!» — пісаў ён у твітары.
У лістападзе мінулага года ЗША і Аўстралія дамовіліся аб перасяленні ў Злучаныя Штаты бежанцаў з міграцыйных цэнтраў, створаных Аўстраліяй у Папуа-Новай Гвінеі і Науру.
Згодна з дамоўленасцямі, ЗША павінны былі прыняць 1250 бежанцаў, якія просяць прытулку. У сваю чаргу Аўстралія будзе перасяляць бежанцаў з Сальвадора, Гватэмалы і Гандураса.
Амерыканскія СМІ паведамлялі, што падчас першай тэлефоннай размовы з аўстралійскім прэм'ерам Тэрнбулам амерыканскі прэзідэнт выказаў незадаволенасць угодай па бежанцах і нібыта кінуў слухаўку праз 25 хвілін пасля пачатку размовы.
Газета Washington Post пісала, нібыта Трамп назваў размову з Тэрнбулам найгоршай за ўвесь дзень перамоў, у які ён паспеў патэлефанаваць яшчэ некалькім сусветным лідарам.
Сам Трамп ахарактарызаваў гутарку з прэм'ерам Аўстраліі як «вельмі мірную размову» і абвінаваціў «фэйкавыя СМІ» ў хлусні.
Тэрнбул назваў іх размову з прэзідэнтам ЗША «шчырай і адкрытай».
Пагадзіўшыся выканаць пагадненне па бежанцах з аўстралійскіх міграцыйных цэнтраў, Белы дом папярэдзіў, што ўсе суіскальнікі прытулку будуць падвергнутыя дбайнай праверцы.
Угода, як піша агенцтва Рэйтэр, цяпер набыла асаблівае значэнне для Аўстраліі, якая адчувае ціск з боку ААН і праваабарончых арганізацый, якія патрабуюць закрыць міграцыйныя цэнтры. У першую чаргу гэта тычыцца выспы Манус у Папуа-Новай Гвінеі, дзе адбыліся сутычкі паміж мясцовымі жыхарамі і жыхарамі лагераў для бежанцаў.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары