Газета «Народная воля» расшукала былога старшыню КДБ Уладзіміра Мацкевіча, які ўзначальваў ведамства ў перыяд ад 1995 да 2000. Цяпер Мацкевіч зноў жыве ў Мінску. «Я засумаваў па радзіме, таму вырашыў вярнуцца. Зрэшты, тут я асабліва нікому, апроч сяброў і блізкіх, не патрэбны», — сказаў Мацкевіч.
Цяпер ён працуе дарадцам у кампаніі «Газпромнафта». Ад вялікага інтэрв’ю для «Народнай волі» Мацкевіч адмовіўся: «Мой час прайшоў, я гэта разумею. Не хачу ўжо ніякіх сенсацый».
Экс-кіраўнік КДБ адзначыў, што ў ведамстве, якое калісьці ўзначальваў, бывае нячаста. А радуе яго сёння найбольш унучка, якая скончыла ўніверсітэт у Боне (Германія) па спецыяльнасці «Арганізацыя і эканоміка турыстычнага бізнэсу». Ці будзе вяртацца яна ў Беларусь, Мацкевіч адказаць не змог.
Уладзімір Мацкевіч нарадзіўся ў 1947 годзе ў Мар’інай Горцы. У органах дзяржбяспекі ад 1976. Ад 20 снежня 1995 да лістапад 2000 — старшыня КДБ. Сышоў Мацкевіч з КДБ пасля таго, як разам з былым генпракурорам Алегам Бажэлкам санкцыянаваў затрыманне кіраўніка спецназа 3214 Дзмітрыя Паўлічэнкі па справе зніклых палітыкаў. Мацкевіч і Бажэлка тады прыходзілі да Аляксандра Лукашэнкі з прапановай арыштаваць дзяржсакратара Рады Бяспекі Віктара Шэймана.
Пасля гэтага Мацкевіч быў паслом Беларусі ў Югаславіі. А пасля сканчэння дыпламатычнай працы з’ехаў на заробкі ў Расію, працаваў дарадцам у кампаніі «Савкамфлот», якая спецыялізуецца на дастаўцы нафтапрадуктаў па моры.
З былых кіраўнікоў КДБ Беларусі ў Расіі працягвае жыць Леанід Ерын, які працуе дарадцам кіраўніка Расійскай чыгункі. Таксама ў Расіі знаходзіцца былы кіраўнік МУС Уладзімір Навумаў. Варта адзначыць, што некалькі гадоў назад у Беларусь з расійскіх заробкаў вярнуўся таксама былы кіраўнік Адміністрацыі прэзідэнта Урал Латыпаў.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары