Hazieta «Narodnaja vola» rasšukała byłoha staršyniu KDB Uładzimira Mackieviča, jaki ŭznačalvaŭ viedamstva ŭ pieryjad ad 1995 da 2000. Ciapier Mackievič znoŭ žyvie ŭ Minsku. «Ja zasumavaŭ pa radzimie, tamu vyrašyŭ viarnucca. Zrešty, tut ja asabliva nikomu, aproč siabroŭ i blizkich, nie patrebny», — skazaŭ Mackievič.
Ciapier jon pracuje daradcam u kampanii «Hazpromnafta». Ad vialikaha intervju dla «Narodnaj voli» Mackievič admoviŭsia: «Moj čas prajšoŭ, ja heta razumieju. Nie chaču ŭžo nijakich siensacyj».
Eks-kiraŭnik KDB adznačyŭ, što ŭ viedamstvie, jakoje kaliści ŭznačalvaŭ, byvaje niačasta. A raduje jaho siońnia najbolš unučka, jakaja skončyła ŭniviersitet u Bonie (Hiermanija) pa śpiecyjalnaści «Arhanizacyja i ekanomika turystyčnaha biznesu». Ci budzie viartacca jana ŭ Biełaruś, Mackievič adkazać nie zmoh.
Uładzimir Mackievič naradziŭsia ŭ 1947 hodzie ŭ Marjinaj Horcy. U orhanach dziaržbiaśpieki ad 1976. Ad 20 śniežnia 1995 da listapad 2000 — staršynia KDB. Syšoŭ Mackievič z KDB paśla taho, jak razam z byłym hienprakuroram Aleham Bažełkam sankcyjanavaŭ zatrymańnie kiraŭnika śpiecnaza 3214 Dźmitryja Paŭličenki pa spravie źnikłych palitykaŭ. Mackievič i Bažełka tady prychodzili da Alaksandra Łukašenki z prapanovaj aryštavać dziaržsakratara Rady Biaśpieki Viktara Šejmana.
Paśla hetaha Mackievič byŭ pasłom Biełarusi ŭ Juhasłavii. A paśla skančeńnia dypłamatyčnaj pracy źjechaŭ na zarobki ŭ Rasiju, pracavaŭ daradcam u kampanii «Savkamfłot», jakaja śpiecyjalizujecca na dastaŭcy naftapraduktaŭ pa mory.
Z byłych kiraŭnikoŭ KDB Biełarusi ŭ Rasii praciahvaje žyć Leanid Jeryn, jaki pracuje daradcam kiraŭnika Rasijskaj čyhunki. Taksama ŭ Rasii znachodzicca były kiraŭnik MUS Uładzimir Navumaŭ. Varta adznačyć, što niekalki hadoŭ nazad u Biełaruś z rasijskich zarobkaŭ viarnuŭsia taksama były kiraŭnik Administracyi prezidenta Urał Łatypaŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2323
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama23
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary