Скандал у Партугаліі: паліцыя збіла фаната на вачах яго дзяцей ВІДЭА
Падчас святкавання ў Лісабоне чарговай перамогі мясцовай «Бенфікі» ў чэмпіянаце Партугаліі паліцыя без усялякай падставы напала на сям’ю, якая прымала ўдзел у святкаванні ў горадзе.
На відэа, якое абляцела сеціва хутка пасля здарэння, бачна, як паліцыянт без аніякай матывацыі нападае на бацьку двух сыноў (9 і 13 год), якія знаходзіліся побач, а пасля атакуе і іх дзеда. Пасля паліцыянты працягваюць з выкарыстаннем дубінак збіваць мужчыну, які ўжо ляжыць на зямлі. Бачна, што дзеці вельмі напужаныя, а паліцыя спрабуе адштурхнуць іх ад бацькі, як і іх дзеда.
Нагадаем, што ў нядзелю лісабонская «Бенфіка» ў 34 раз у гісторыі стала чэмпіёнам Партугаліі па футболе, згуляўшы ўнічыю на выездзе супраць «Вікторыі Гімараеш» (0:0). Святкаванні заўзятараў каманды адбываліся па ўсёй партугальскай сталіцы і працягваліся аж да раніцы панядзелка.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда34
Каментары