Адзін з заяўнікаў Эўрамаршу, Яўген Афнагель, арыштаваны неўзабаве пасьля «канструктыўных» перамоваў у Менгарвыканкаме.
Заяўнік Эўрапейскага маршу, актываіст незарэгістраванай грамадзянскай ініцыятывы «Джынс за Свабоду» Яўген Афнагель 8 кастрычніка быў прысуджаны Цэнтральным судом Менску да 10 сутак арышту. Гэтую інфармацыю сайту Хартыі‑97 пацьвердзілі ў спэцпрымальніку‑разьмеркавальніку на завулку Акрэсьціна ў Менску, куды апазыцыянэр быў дастаўлены ўчора ўвечары. Як стала вядома Хартыі‑97, вонкавае назіраньне за Яўгенам вялося з таго моманту, як актывіст выйшаў зь Менгарвыканкаму, дзе ён удзельнічаў у перамовах з гарадзкімі ўладамі з нагоды правядзеньня Эўрапейскага маршу. Апазыцыянэр быў схоплены супрацоўнікамі міліцыі. Заяўніка Эўрапейскага маршу судзілі на закрытым працэсе без удзелу адваката.
8 кастрычніка Яўген Афнагель разам зь іншымі заяўнікамі Эўрапейскага маршу сустракаўся з кіраўніком ідэалягічнай управы Менгарвыканкаму Генадзем Курбекам, намесьнікам пракурора Аляксандрам Стукам і намесьнікам начальніка ГУУС Менгарвыканкаму Іванам Мельнікавым. Як казаў пасьля перамоваў Яўген Афнагель, сустрэча з прадстаўнікамі гарадзкіх уладаў прайшла «канструктыўна»
«Абодва бакі выказалі жаданьне канструктыўна абмеркаваць варыянты правядзеньня Эўрапейскага маршу. І ўлады, і мы выказалі жаданьне правесьці акцыю мірна. Мы прапанавалі даць інфармацыю пра Эўрапейскі марш па дзяржаўных тэлевізійных каналах, радыёстанцыях і газэтах, а таксама прасілі даць нам машыны з гукаўзмацняльнікамі. Упершыню за многія гады ўлады не даводзілі да апазыцыі гатовае рашэньне, а вялі дыялёг. Прадстаўнікі Менгарвыканкаму паведамілі, што рашэньне будзе прынятае з улікам сёньняшняй сустрэчы і будзе накіраванае заяўнікам Эўрапейскага маршу», — паведаміў пасьля выхаду зь Менгарвыканкаму Яўган Афнагель.
Аднак празь некалькі гадзін апазыцыянэра арыштавалі.
У спэцпрымальніку‑разьмеркавальніку на Акрэсьціна ўжо знаходзіцца сябра аргакамітэту Эўрапейскага маршу Зьміцер Бародка, дэмакратычны актывіст Лявон Навіцкі, праваабаронца Сьвятлана Гарахавік, актывісты грамадзянскай кампаніі «За свабоду» Ігар Балыкін і Ігар Цішко.
Змітра Бародку, а таксама дэмакратычнага актывіста Леаніда Навіцкага і праваабаронцу Святлану Гарохавік затрымалі 1 кастрычніка ў раёне Менскага трактарнага завода. Два аўтамабілі, у якіх апазіцыянеры ехалі дадому ў Барысаў, спынілі супрацоўнікі ДАІ. Міліцыянты падселі ў машыны да затрыманых і адвезлі іх у Цэнтральны РУУС Менска. Аднак у міліцэйскіх пратаколах было сказанае, што актывісты нібыта затрымліваліся на вуліцы Заслаўскай супрацоўнікамі палка міліцыі спецыяльнага прызначэння (былы АМАП). Апазіцыянеры нібыта распаўсюджвалі газеты, а на заўвагі амапаўцаў рэагавалі нецэнзурнай лаянкай. Але ў гэты час актывісты знаходзіліся ў зусім іншым месцы — ля Менскага трактарнага завода, дзе іх і затрымалі. На наступны дзень апазіцыянераў прысудзілі да 15 сутак арышту.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда20
Каментары